Jan 10:17-21

¹⁷Mai Faada lov mee kaa Ai giv op mi laif soh dat Ah ku tek it op bak agen.

¹⁸Da noh nobadi tek weh mai laif fahn mee, bot da mee giv it op miself. Ai ga di powa fi giv op mai laif, an Ah ga di powa fi tek it bak agen. Dat da weh mai Faada koman mi fi du.”

¹⁹Sayka weh Jeezas seh, di Jooish leeda dehn mi ga divizhan monks dehnself agen.

²⁰Lata dehn mi-di seh, “Hihn ga deeman ahn hihn krayzi. Da weh unu di lisn tu hihn fa?”

²¹Sohn neks wan dehn mi-di seh, “Hihn noh taak laik nobadi weh ga deeman. Deeman kyaahn mek wahn blain man si.”