San Juan 10:17-21

¹⁷“Che Ru niha che raɨsu ité. Esepia, amondo itera che recocuer manosave. Ipare rumo acuerayevɨra.

¹⁸Ndoicatui chira ava ahe ae tẽi che yuca ãgua; che teieté rumo amondora che récocuer che remimbotar rupi eté. Che areco ité pĩratasa imondo ãgua, che cuerayevɨ iri ãgua avei. Sese ité niha che Ru che cuai” ehi güemimbohe eta upe.

¹⁹Osenduse judío eta aipo nungar ñehesa, opa ipɨhañemoñeta yoavɨratɨ yuvɨreco.

²⁰Setá iteanga ipãhu pendar aipo ehi: —¿Mahera vo co pemboyeroya? Vɨreco ité caruguar oyese, ndayaracuai eté —ehi yuvɨreco chupe.

²¹Ambuae rumo aipo ehi yuvɨreco: —Ndipoi eté rumo que ava na ehi vahe oñehe caruguar rerecosar. ¿Omboesapɨso tie caruguar rerecosar ava? —ehi amove judío yuvɨreco Jesús upe.