Dyan 10:17-21

¹⁷“Too bong nawa i Màgu deg du gatlagad agu mlé i ktogu di fati tlas dale, du fye balù ku mati agu, lêman agu mték.

¹⁸Landè to fakay gamfati deg, bay mati agu kadang du mdà sa di deg knayè. Nun kaglutgu mlé i ktogu di fati, na nun kaglutgu mawì dun du ani i dek Mà deg.”

¹⁹Di kaklinge i dad Dyu i man Dyisas ani, talêman sahal i fandamla.

²⁰Dee di dale talù, na manla, “Book kenen du nun busawan! Kan ku fanlingeyu kenen?”

²¹Na man i dademe, “Ise én talù i to nun busaw! Gmagan kè busaw fgulê i to butè?”