John 10:17-21

¹⁷“Na Mama te doloviu inau na pukuna tu lubati tatavahalea ke lavikeha na volagu, keri ge ku ghoi vola olia ghua.

¹⁸E taho ahei ke lavikeha na volagu itagua. Inau ku nia hevei taonia na liogu heghegu. Mi nau tu loghoa na maana ge ku nia hevei, mu loghoa ghua na maana ge ku laviolia. Aeni te vagha na Tamagu te vetenau nia ge ku nea.”

¹⁹Na vuresubo tara ghoi hughuhughu na pukuna te bosai na bosa raini.

²⁰Me subo tadira tara ghaghua, “Na tidalo dika ilokana! Agaia te bule! ?Ivei tea ge au rongovia?”

²¹Mana kehana ghua tara bosa, “Na tinoni te loghoa na tidalo dika ke mua tangomana na neana na bosa te vagha eni! ?Ke tangomana so na tidalo dika ge ke davorai na matadira na vure rorodo? Taho!”