YƐSÃÃ 2:1-12

¹Bɑ nte kɛ̀ ibotí miɛkɛ cɔ́ú? Bɑ nte kɛ̀ yɛbotɛ̀ dɑ̀kii mɛyɛi nkpɛ́í ndɛtetìrɛ̀?

²Kɛ̀ kutenkù yɛmbɛ̀ bɑɑti dikpɑ̀nnì, kɛ̀ sikpɑ̀ɑ̀tìbìí wɛ̃nnɛ́ kɛ bo kpɑnnɛ̀ Kuyie nnɛ̀ kù tɑ̃ɑ̃tɛ́ wè, kɛ nɑ́ɑ́ nkɛ tú:

³Tí tɔ̃tɛ bɛ̀ ti pìtínnɛ́ ìì wɛ̃ĩ, kɛ́pítɛ́ bɛ̀ ti dùú mɛ̀ɛ̀ fĩmmɛ kɛ́dootóo.

⁴Wèè kɑ̀ri kɛĩ́nkɛ̀ kòò bɛ̀ dɑú, ti Yiɛ̀ nKuyie mbɛ̀ ti mudɑɑ́ mmu.

⁵Kɛ bɛ̀ nɑ̀ɑ́nnɛ̀ kɛmiɛkɛ. Nɛ̀ kɛmiɛyonkukɛ kɛ bɛ̀ ɑ̃ɑ̃̀ kufɔ̃wɑɑ́ nkɛ tú:

⁶Míì pĩ n kóo kpɑ̀ɑ̀tì, ditɑ̃sɑ̀ɑ̀rì Siyɔ̃ɔ̃ ĩ́nkɛ̀.

⁷N yó nnɑ́ɑ́mmu Kuyie nyɛ̃ nkù yóó dɔɔ̀ dɛ̀ kpɛ́í. Kù ǹ nɑ̀kɛ́mu kɛ yĩ: A tú m birɛ ndɛ yíe, kɛ̀ n tú ɑ cicɛ,

⁸kɛ tú n kù mɔɔ yɛbotɛ̀ yɛmɔu kɛ̀ kùu yɛ̀ nni nduɔ́ nkɛ̀ n yɛ̀ tiekɛ, kɛ́ntenɛ̀ itemmɑ̀nkoo,

⁹kɛ́ncɛ̃mmú yɛbotɛ̀ nɛ̀ kumɑ́tìpɑ̀ɑ̀ti, kɛ́ nyɛ̀ pùɔ̀ ntiyɑɑmɑtì kɔ̃mɛ.

¹⁰Díndi bɛkpɑ̀ɑ̀tìbɛ̀, ńciìnɛ̀, kɛtenkɛ̀ kó bɛbeémbɛ̀, ńyiénnɛ̀ itié.

¹¹Mpĩ́nnɛ̀ Kuyie ntɔ̃mmú kɛ kù dé, nyɛ̃́nɛ̀ kù kpeńnìmɛ̀ kɛ̀ di kɔ̃m̀bùɔ̀tì nkù duò.

¹²Kɛ̀ di nkù dɛ́úkùnko ku miɛkɛ yɑ̀ɑ̀ bo di pɛikɛ mɛ̀ɛ̀ kpɛ́í kɛ̀ di feti di tũ nkùù cɛ miɛkɛ, ku miɛkɛ í yóó ɔɔtɛ kɛ̀ bo pɛikɛmɛ̀. Dɛ̀ nnɑɑti bɛ̀ɛ̀ sɔ̀ri ku borɛ̀.