Kölfel 2:1-12

¹Pwota chon ekewe mwü ra rawangau, nge ekewe aramas ra ekingau won mine a lomotongau?

²Ekewe king won fanüfan ra ütä, ekewe sounemenem ra pwüngüpwüngfengen usun ar repwe ü ngeni ewe Samol mi Lapalap, pwal ngeni nöün we mi kepit.

³Iwe, ra apasa, “Ousipwe mwütala fööfööch me rer o pöütala senikich ar kei riri.”

⁴Nge Kot ewe mi mot won an lenien motun king lon läng a takir, ewe Samol a ämängaueer.

⁵Mürin epwe kapas ngeniir fän an song o fokun eniwokusuur fän an lingeringer.

⁶Iwe, a apasa, “Üa seikätä ai king lon wisan me won Sion chuki we mi pin.”

⁷Ngang üpwe pwärätä mine a pwüngüla me ren ewe Samol mi Lapalap. Iwe, a üreniei, “En nei mwän, ikenai üa nounuk.

⁸Kopwe tüngorei, nge ngang üpwe ngonuk ekewe mwü pwe kopwe mwüni, üpwe pwal ngonuk unusen fanüfan pwe kopwe fanüeni.

⁹Kopwe atarela ren efoch wokomächä, kopwe amökkükisiretiu usun eu sepi mi för seni pwül.”

¹⁰Iei mine ämi kana king, oupwe tipachemela, ämi sounemenem won fanüfan, oupwe miritila.

¹¹Oupwe angang ngeni ewe Samol mi Lapalap fän niuokus, oupwe pwapwa fän chechech.

¹²Oupwe mitiri ewe nau pwe esap song, nge ämi ousap mäfeiengau. Pun a müttir fis an song. Ra feiöch ir meinisin mi eäni i lenien op.