Yabura 2:1-12

¹Munfe ra sie bɔɲɛ texi fufafu?

²Duniɲa mangɛe bara keli, xunmatie bara ti Alatala nun a xa mixi sugandixi kanke.

³Na duniɲa mangɛe naxɛ, «Won xa won ba e yi ra, Won xa mini e xa nɔɛ bun ma.»

⁴Marigi naxan na koore ma, na na yelefe e ma.

⁵A xɔnɔma e ma, a e magaaxuma.

⁶Ala xa masenyi nan ya, «N tan nan mangɛ sugandi, n a dɔxɔ Siyoni geya fari, n ma yire sɛniyɛnxi.»

⁷Na mangɛ sugandixi xa masenyi nan ya, «N xa Alatala xa natɛ masen wo bɛ. Ala bara a masen n bɛ, ‹To, i bara findi n ma di ra. N tan bara findi i baba ra.

⁸I xa n maxandi n xa si birin fi i ma, e xa findi kɛ ra i bɛ. Duniɲa birin xa findi i gbe ra.

⁹I e yamarima sawuri ra, i e kanama alɔ wure fɛɲɛ bɔɔma ki naxɛ, a kebelae yensen yɛ.›»

¹⁰Yakɔsi wo tan mangɛe, wo xaxili sɔtɔ. Kuntigie, wo bira nɔndi fɔxɔ ra.

¹¹Wo Alatala batu gaaxui ra, wo sɛɛwa a xa fe ra, wo gaaxu a ya ra.

¹²Wo wo xun sin a xa mixi sugandixi bɛ. Xa na mu a ra, a wo halakima nɛ wo xa duniɲɛigiri kui. Ala xa xɔnɛ dɛxɛma alɔ tɛ nu so fiili ra. Ɲɛlɛxinyi na adama nan bɛ, naxan kantari fenma Ala ra.