Text copied!
CopyCompare
Godigo dwagi yai po buku - Godigo Nogi Ugwaba Sabo Tęąbi Po Wabo Buku Dabe - Godigo Nogi Ugwaba Sabo Tęąbi Po Wabo Buku Dabe 2

Godigo Nogi Ugwaba Sabo Tęąbi Po Wabo Buku Dabe 2:1-12

Help us?
Click on verse(s) to share them!
1Magi baso te Israel hani isąwai we bidi dabego te God dali hagoma kolesaga yabo po mia saliwe? Magi baso te we bidi dabe augwaligo te dwai kolesaga yabo po te odolali po mia saliwe?
2Te augwaligo king dabe tigidaligo me te hwįabo sisi yali. Tama te tobolu bidi dabe sisinama, tama Godiba po dwai wali, tama agai te sa muani bidi te polalubo bidi, agaba me te dwai po wali.
3Augwa te po wai, “Dago te augwali sigo nogo aligabo togoinao,” wali, “tama me te augwali sigo da kęalubo bono pisigina sąinao,” wali. “Te dena tedali bidinao,” wali.
4God Genuai Bidi te dagalude dulalu, aga gisugu mayu, tama agai augwaliba posobo po obao.
5Aga te haliga sębę posolo elama, tama augwaliba bomai po mobao. Tama agai wado po genuai weyu, te augwali wi dwai ilibao.
6Tama te agai augwaliba te tama po obao, “Ena eno te bidi me deli nigilama, te king bidimainu yai, tama eno aga te Saionde munama bidimainu yali, te eno tedali gasagi yai wiegi yai bulu du dao,” agai te po obao.
7God Genuai Bidigo sa muani kingo te po wali, “Megi da, eno te Genuai Bidigo enabolo mani po pusubao. Agai enaba te po wai, ‘Nage eno wai dao. Megi tama nage te king bidi pedalubo sogo, ena te nago aya pedalubao.
8Enaba hanalubaso, tama te tigidali hani we bidi nageba mayu, tama te tigidali tǫ pedai te naga saibao.
9Te nago augwali te nago bomogo tonaluagameo. Tama te nago augwali dwasianu kakali minama, te bidigo te tǫgo nigai sene alubo tiwai yaibao,’ Genuai Bidigo te po wai.”
10Tama tibaso, te dage king dabe, dagego bugagia olo muiąo. Dage te tǫde tobolu bidi dabe, dagego te po odolama, tama dage dua dao.
11Dagego Godide wi elama, tama agade midigi siąo.
12Dage aga dologoba mu pelama, tama kidu sugunao. Meni baso da, teda agai haliga sębę polo elama, te dage isaibao. Bidigo konealubo homu Godiba dąų weyu, tama agaba mu kęa pelama ebo bidi, te aga wiegi yai homu pemene eyu bidaibao.

Read Godigo Nogi Ugwaba Sabo Tęąbi Po Wabo Buku Dabe 2Godigo Nogi Ugwaba Sabo Tęąbi Po Wabo Buku Dabe 2
Compare Godigo Nogi Ugwaba Sabo Tęąbi Po Wabo Buku Dabe 2:1-12Godigo Nogi Ugwaba Sabo Tęąbi Po Wabo Buku Dabe 2:1-12