Salmos 105

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

67

68

69

70

71

72

73

74

75

76

77

78

79

80

81

82

83

84

85

86

87

88

89

90

91

92

93

94

95

96

97

98

99

100

101

102

103

104

105

106

107

108

109

110

111

112

113

114

115

116

117

118

119

120

121

122

123

124

125

126

127

128

129

130

131

132

133

134

135

136

137

138

139

140

141

142

143

144

145

146

147

148

149

150

¹Bab-Jehováʼga dog-nuedye be soge, e-nug be odummomala. Bab-Jehová-ibmar-imaksad be dulemar-yar-baid-baidgi-bukwamaladga soge.

²Be namakmala, Bab-Jehová-e-nug-odummogega be namakmala. Bela e-ibmar-dakledisurmalad-imaksadgi be sunmakmala.

³Bab-Jehová-nug-isligwaledgi be san-dummarba itomala. Dulemar-Bab-Jehová-amidimalad ulubgi wergumala.

⁴Bab-Jehová be amimala, e-gangued be amimala. Bab-Jehová-amidigu be imakmala.

⁵Bab-Jehová-ibmar-gegerdaklemalad-imaksad be insamalo. E-ibmar-dummagan-imaksad be insamalo. E-igarmar-sogsad be insamalo.

⁶Bemar, Bab-Jehová-mai-Abraham-e-wagan gumalad. Bemar, Jacob-e-wagan gumalad. Bab-Jehová e-dulemarga bemar-imaksad.

⁷Bab-Jehová anmar-Bab-Dummad gued. Bela we-napneggine, Bab-Dummad-e-igarmar oyolemamaid.

⁸Wagan miliba-gwago-inigwele, Bab-Dummad Israel-Dulemarbo-Igar-Mesisadi gwen iegosulid.

⁹Bab-Jehová Abraham-ebo igar-mesisgusad, Isaacʼga ise-sogar-imaksad, an bega a-igar imakedseye.

¹⁰Bab-Jehová, Jacobʼga igar-mesisgua, Israelʼbo degisadegu igar mesisgua,

¹¹ega sogsagusad: “Canaán-yala begadga-guega an bega ukoed.”

¹²Anmar ichee-guen-inigwele, anmar yar-sate gudigusmar-inigwele,

¹³anmar yar-baid-baidgi-gudigusmaladgi, neggwebur-baid-baidgi gudigusmaladgi,

¹⁴Bab-Jehová, sabsur-anmar-imaklegega gwen imaksasulid. Anmar-ulale, reymarga sabsur-ibmar-sogsad.

¹⁵Weyob sogsa gusad: “Melle an-dulamar-nugsalegarmaladse achao, melle an-gayaburba-barsogmalad naibi-imako.”

¹⁶Bab-Jehová, Canaán-yalagi ukud-dummad nasiksad, agi masgunned sate imaksad.

¹⁷Degi-inigwele, Bab-Jehová, dule-wargwen-Joséʼye-nugad emar-idu Egipto-yalase barmisgusad. José maiga manigi ukles gusad.

¹⁸Egipto-dulemar José-e-nag esgoro-dubgi edichagusmalad, geb esgaryagi metegusmalad.

¹⁹José-ibmar-sogsa-gusadba neg-gunonigua, Bab-Dummad agi oyosad, ede idu-ibmar-sogsad, we napiraye.

²⁰Geb Egipto-rey sognonigusad, José esgaryagi-siid onomarye. A-rey, deunni, dule-bukidaradga negsemaid.

²¹Rey, José bela e-neggi ega ibmar-dakega onugsanonigusad, bela e-dulemar-e-dummadga-guega imaksad.

²²Adi, José reyga-arbamalad-dummagan-odurdakega imaksad, e-girmar-selegan-binsaed-nikagued-odurdakega imaksad.

²³Geb a-sorbali, Israel, Egipto-yalase nonigusad. We-Jacobʼde, Cam-yalagi, e-yarsulidgi maigusad.

²⁴Agine, Bab-Jehová, e-dulamar-bukidar-merguega imaksad, e-isdarmaladba bur-dutusuli imaksabalid.

²⁵Bab-Jehová, Egipto-dulemar-e-binsaed ogwasad, isdar anmar-dakega imaksad, degisoggu, anmar-wioar gussunnad.

²⁶Agine, Bab-Dummad, e-mai-Moisés-susagusadi, Aarón-susagusadi, Egipto-yarse barmiargusad.

²⁷Agine, Bab-Dummad, wemar-ebogwad, Cam-yalagi ibmar-dakledisulid-imakega imaksad.

²⁸Bab-Jehová, Egiptoʼgi negsichid nasiksagusad, bela neg-gudure imaksagusad, degite, Egipto-dulemar Bab-Dummad-gayaburba itosurgusmalad.

²⁹Egipto-diwarmar abega obinnisgusad, e-uamala ogilosgusad.

³⁰Bela Egipto-yala ammanoo yaisur-nika imaksad, rey-e-negyaginse-bakar, ammanoomar-nika imaksad.

³¹Bab-Dummad-sunmaksagu, gukurmar-bukidar ainiargusad, bela Egipto-yalagangi, guumar yaisur-nika imaksad.

³²Dii-wied-anar, dii-gwamakaled-wiega imaksad. Egipto-yalagi mar-dakarmakmai imaksabalid.

³³Uvaʼmar-digar-bukwadi, higueraʼmar-bukwadi ei obelosgusad. E-yalagangi sapimar-bukwad ei bibichisgusad.

³⁴Bab-Dummad sunmakdegua, ses-dummagan onisad. We-sesmarde, bela-bela-mergu batisad.

³⁵Sesmar, bela Egipto-yargi gagan-obelosad. Ibmar-durba-e-sanmar, bela obelosbalid.

³⁶Bab-Jehová, Egipto-yalagi bela machi-sailaginmalad oburgwisgusad, bela gebesailagi-gwalulesmalad ogilosgusad.

³⁷Bab-Jehová, Israel-dulemar or-bukidar-semamai, mani-bukidar-semamai onosgusad. E-dulemar-wargwensaale, gwen-burgwissurgusad.

³⁸Egipto-dulemala nue-dobe itomarsoggu, Israel-dulemar ainide-daksamargua, yeer itosgusmalad.

³⁹Bab-Jehová Israel-dulemarga mogir nasiksad, adi, a-urba ambikumalagar. Neg-mutik ega neg-mee imakega ega soo ogasad.

⁴⁰Bab-Dummadse mas-egichismargu, nuu-codornizʼye-nugad ega uksagusad. Madu-nibnegginedgi immeles gusmalad.

⁴¹Ega akwasaila egasgusad, agi dii aryoargusad. Nega-dulesulidganba ega dii aryomai imaksad.

⁴²Bab-Dummad deyob imaksadi, e-mai-Abrahamʼga gayaburba-ise-sogar-sogsad gwen iessulid.

⁴³Bab-Dummad e-dulamar weligwaledgi onosgusad, ber yeer-itogedgi e-dulamar-susadi onosgusad.

⁴⁴Dulemar-baigan-yala na e-dulamarga uksad. Dulemar-baigan-arbasad-e-ibmar-sanmaksamalad na e-dulamarga uksabalid.

⁴⁵Bab-Jehová, na e-dulamar e-igar-uksadba binsaed-nika-gudi-imakmalaga imaksad, eba nanamalaga imaksabalid. ¡Degisoggu, Bab-Jehová-nuggi wergumarsun!