1Namakmalad-e-iduedga-sogleged: We-namaked, Dutu-Lirioʼgi-namaklegedyob namaklegoye. Asaf e-gudiidba we-namaked narmaksad. Bab-Dummad, Israel-dulemar-edarbed, be anmar-itoge. Be, sibad-wawaad-edarbedyobi José-wagan-e-iduedid, be, baliwiturmar-querubinʼye-nugad-abargi negsemaidid.
2Efraín-waganse, Benjamín-waganse, Manasés-waganse, be magar gue. Be-gangued be oyoge, be bela-bela anmar-bendakdage.
3Bab-Dummad, igi-anmar epenne bukwagusa, deyobi, be gannar anmar-imake. Bab-Jehováʼye, be anmargi ise-nued-binsae, be bela-bela anmar-bendake.
4Bab-Dummad-Jehová-Bela-Gangued-Nikad, be-urwe-maid-ulale, ¿sanagwadse be-dulamar-bese-goled be itogosuli?
5Boed-dummad e-masgunnedyob ega be uksad, ibyanis-obinebaka e-gobedyob ega be imaksad.
6Dulemar-anmar-yar-dikarba-bukwamaladi, anmarga allega be imaksad, anmar-isdarmalad anmargi dodomalad.
7Bab-Dummad-Bela-Gangued-Nikad, igi-anmar epenne bukwagusa, deyobi be gannar anmar-imake. Bab-Jehováʼye, be anmargi ise-nued-binsae, be anmar-abonoge.
8Bab-Dummad, Egipto-yalagi be uva-dub seargusad, Canaán-yargi dulemar-Bab-Dummad-akudakmalad be ononnosgusad, geb we-uva-dub be digsagusad.
9Ega be neg-emisad, uva-dub-e-maligan gatik-diglemai be imaksad, bela-yar-gasa nagusad.
10Bela uva-dub-gagan-urba negsichigwadgi yarmar bukusad, e-dubagan, urwar-sapi-matusur-gwigwichidgi bipirmakde gusad.
11E-anamar, demar-Mediterráneoʼse warmaksad, e-muugan, Éufrates-diwarse nasgumai gusad.
12Bab-Dummad, ¿ibiga uva-nainu-e-galu-emakaled be earisa? Bela-dulemar-e-dikarba-nasdamaladi, e-ibe san gwandamalad.
13Wedarmala bela-bela wionaid, ibdurgan-ursirmar gundamalad.
14Bab-Dummad-Bela-Gangued-Nikad, be anmarse gannar dage, nibneg-akale be atake, we-uva-dub be bendakdage.
15Be-sunnad we-uva-dub be digsagusad. Begadga-guega e-ana be odummosad.
16Be-uva-dub aimukus maid, soogi ogumaklesad. Be-urwedbali be-dulamar burgwemamaid.
17Dule na be susagusadi, be bendake, dule-begadga-guega na be odungusgusadi, be bendake.
18Ar deyob be imakele, anmala begi aibanosurmalad. Gannar-dula-gudii be anmar-imake, anmar unnila besebi gordii gumaloed.
19Bab-Dummad-Jehová-Bela-Gangued-Nikad, igi-anmar epenne bukwagusa, deyobi be gannar anmar-imake. Bab-Jehováʼye, be anmargi ise-nued-binsae, be bela-bela anmar-bendake.
