1وٌ عَلَتَلَ شِلِ مَتْشْ، وٌ عَ شَ كَابَنَكٌي مَسٍن حَمَيٍ تَفِ.
2وٌ بّيتِ بَ عَ بّ عَ شَ كَابَنَكٌييٍ شَ قٍ رَ.
3وٌ شَ سّيوَ عَ شِلِ سّنِيّنشِ شَ قٍ رَ، مِشِ نَشٍيٍ عَلَتَلَ قٍنمَ، عٍ شَ حّلّشِن.
4وٌ شَ عَلَتَلَ شَ سّنبّ قٍن، وٌ شَ كَتَ لُدٍ عَ يَ عِ تّمُي بِرِن.
5وٌ شَ رَتُ عَ شَ كَابَنَكٌي مَ، وٌ نَشَ نّيمُ عَ شَ كِيتِ مَ،
6وٌ تَن عَلَ شَ كٌنيِ عِبُرَهِمَ بْنسْي، وٌ تَن يَشُبَ شَ دِيٍ عَ نَشٍيٍ سُفَندِ.
7عَ تَن نَن وٌن مَرِفِ عَلَتَلَ رَ، عَ كِيتِ سَمَ دُنِحَ بِرِن مَ.
8عَلَتَلَ عَ رَتُمَ عَ شَ سَاتّ مَ تّمُي بِرِن، عَ مُ نّيمُمَ عَ شَ لَايِدِ مَ عَبَدَن،
9عَ نَشَن تٌنفٌشِ عِبُرَهِمَ نُن عِسِيَفَ بّ مَرَكَلِ رَ.
10عَ بَرَ نَ نَتّ تٌنفٌ يَشُبَ بّ، عَ بَرَ نَ سَاتّ شِرِ عِسِرَيِلَ رَ،
11عَ مَسٍنقٍ رَ، «ﭑ بَرَ كَنَان بْشِ قِ وٌ مَ كّ رَ.»
12بٍينُ عٍ شَ وُيَ مّننِ،
13عٍ نُ نَ لِنتَنقٍ تُن،
14عَلَ مُ تِن مِشِ يٌ شَ نْ عٍ رَ. عَ نَشَ عَ شْرْشْ حَمَنّ مَنفّيٍ بّ عَ قَلَقٍ رَ،
15«وٌ نَشَ ﭑ مَ حَمَ سُفَندِشِ تْورْ دٍ، وٌ نَشَ قٍ حَاشِ رَبَ ﭑ مَ نَمِحْنمّيٍ رَ.»
16بٍينُ عَلَ شَ كَامّ رَفٌرٌ دُنِحَ مَ، عَ بَلٌي بَ دُنِحَ يِ رَ،
17عَ نَشَ عَ شَ مِشِ ندٍ يُسُقُ رَ سِفَ عٍ يَرَ كٌنيِيَ كُي.
18عَ سَنيِيٍ نُن عَ كْنيِ نُ بَلَنشِ يْلْنشْنيِ رَ،
19هَن عَلَ شَ لَايِدِ نَشَ كَمَلِ، عَ نْندِ قِ عَ مَ تّمُي نَشّ.
20نَ تّمُي مَنفّ شُنفبٍ نَشَ يَامَرِ قِ عَ شَ مِنِ فٍيلِ كُي، عَ شَ قُلُن.
21مَنفّ نَشَ يُسُقُ قِندِ عَ شَ بَنشِ شُنيِ رَ، عَ عَ فبٍ سٍ بِرِن سَ عَ نْي بُن مَ،
22عَلَكٌ مَنفّ شَ مِشِيٍ شَ لُ عَ وَشْن كِ، بْشِ قٌرِيٍ شَ شَشِلِ سْتْ عَ سَابُي رَ.
23نَ دَنفِ شَنبِ، عِسِرَيِلَ حَمَ يَشُبَ بْنسْي نَشَ قَ مِسِرَ، عٍ سَبَتِ هَمِ شَ بْشِ مَ.
24عَلَ نَشَ عَ شَ حَمَ وُيَ دَنفِقٍ عٍ يَشُييٍ رَ.
25عَ نَشَ مِسِرَكَيٍ بْحّ مَسَرَ، هَن عٍ قَ عَ شَ حَمَ شْن، عٍ نَتّ حَاشِ تٌنفٌ عٍ شَ قٍ رَ.
26نَ تّمُي عَ نَشَ عَ شَ كٌنيِ دِ مُنسَ شّي، عَ نُن عَ شَ مِشِ سُفَندِشِ هَرُنَ.
27عٍ نَشَ عَلَ شَ تْنشُمَيٍ مَكَابَشِيٍ رَبَ، هَمِ شَ بْشِ شَ مِشِيٍ تَفِ.
28عٍ تٌ عَلَ شَ مَسٍنيِ تِ مِسِرَكَيٍ بّ، عَلَ نَشَ دِ مِ رَ سِن بْشِ مَ، كُيٍ نَشَ عِقْورْ.
29عَ نَشَ مّننِ يٍ مَقِندِ وُلِ رَ، يّشّيٍ قَ قَشَ.
30عٍ شَ بْشِ نَشَ رَقٍ لَنشَنسَرِ مَيٍ رَ، عٍ سٌ هَن مَنفّ شَ بَنشِ كُي.
31عَ نَشَ يَامَرِ قِ شّيرِيٍ نُن سَاسِيٍ شَ دِن بْشِ بِرِن نَ.
32عَ نَشَ بَلَبَلَنيِ نُن تُنّ رَفٌرٌ بْشِ مَ، سٍيَمَكْنيِ نَشَ دِن مّننِ رَ.
33عَ نَشَ عٍ شَ وّنِ بِلِيٍ نُن عٍ شَ شْرّ بِلِيٍ كَنَ، عَ نُن وُرِ بِلِيٍ بِرِن نَشٍيٍ نُ نَ عٍ شَ بْشِ مَ.
34عَ نَشَ يَامَرِ قِ كَتٌي شَ وُيَ هَن،
35عٍ قَ سَنسِيٍ بِرِن كَنَ مِسِرَ بْشِ مَ، عٍ بْشِ دَشَمُي بِرِن دٌن.
36عَ رَحْنيِ عَ نَشَ دِ سِنفٍ بِرِن قَشَ عٍ شَ بْشِ كُي، عٍ نَشٍيٍ بَرِ عٍ سّنبّ رَ.
37عَلَ نَشَ عَ شَ حَمَ رَ مِنِ كْبِرِ نُن شّيمَ رَ، مِشِ يٌ مُ قَشَ عٍ يَ مَ.
38مِسِرَكَيٍ نَشَ سّيوَ عٍ شَ مِنِ رَ، بَرِ مَ عٍ نُ بَرَ فَاشُ عِسِرَيِلَكَيٍ يَ رَ.
39عَلَ نَشَ نُشُي عِتَلَ عٍ شُن مَ يَنيِ رَ، عَ تّ تِ كٌورٍ مَ كْي رَ نَءِيَلَنيِ رَ.
40عٍ تٌ عَ مَشَندِ، عَ نَشَ قَ كْنكْلّيٍ رَ عٍ بّ، نَشَن قِندِشِ كٌورٍ بَلٌي رَ عٍ بّ.
41عَ نَشَ قَنيٍ رَبِ، عَ يٍ رَ مِنِ عٍ بّ، عَلْ شُرٍ نَشَن حّرّ مَ فبٍنفبٍرٍن يِرٍ تَفِ.
42عَلَ تٌ رَتُ عَ شَ لَايِدِ سّنِيّنشِ مَ، عَ نَشَن تٌنفٌ عَ شَ كٌنيِ دِ عِبُرَهِمَ بّ،
43عَ نَشَ عَ شَ حَمَ رَ مِنِ سّيوّ كُي، عَ عَ رَفِرِ عَ شَ مِشِ سُفَندِشِيٍ شَ حّلّشِن بّيتِ بَ.
44عَ نَشَ سِ فبّتّيٍ شَ بْشِ قِ عٍ مَ، حَمَنّيٍ شَ نَاقُلِ نَشَ قِندِ عٍ فبٍ رَ،
45عَلَكٌ عٍ شَ عَلَ شُي سُشُ، عٍ شَ عَ شَ يَامَرِيٍ رَبَتُ. وٌ شَ عَلَتَلَ مَتْشْ!
