Buk Song 105

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

67

68

69

70

71

72

73

74

75

76

77

78

79

80

81

82

83

84

85

86

87

88

89

90

91

92

93

94

95

96

97

98

99

100

101

102

103

104

105

106

107

108

109

110

111

112

113

114

115

116

117

118

119

120

121

122

123

124

125

126

127

128

129

130

131

132

133

134

135

136

137

138

139

140

141

142

143

144

145

146

147

148

149

150

¹Yumi kolim nem bilong Bikpela na singaut long em na tok tenkyu long em. Na yumi mas tokaut long olgeta lain manmeri long ol bikpela wok em i bin mekim.

²Yumi singim ol song bilong amamas long em na bilong litimapim nem bilong em. Na yumi tokaut long ol gutpela gutpela samting em i bin mekim.

³Yumi amamas na givim biknem long em. Ol man i save go klostu long Bikpela, ol i ken amamas tru.

⁴Oltaim yumi mas i go klostu long Bikpela na askim em long helpim na strongim yumi.

⁵Yupela ol tumbuna pikinini bilong Abraham, em wokman bilong Bikpela, yupela lain bilong Jekop, yupela ol manmeri Bikpela i bin makim bilong em yet, yupela i mas tingim gen ol strongpela wok bilong Bikpela na ol mirakel em i bin wokim. Na yupela i mas tingim ol samting em i bin mekim bilong mekim save long ol man nogut.

⁷Bikpela em i God bilong yumi. Em i save bosim olgeta manmeri bilong dispela graun.

⁸Bikpela i bin mekim wanpela kontrak wantaim yumi na dispela kontrak bai i stap oltaim. Na oltaim em bai i tingim yet tok bilong dispela kontrak.

⁹Bikpela i bin mekim dispela kontrak wantaim Abraham. Na em i bin mekim strongpela promis long Aisak long bihainim tok bilong dispela kontrak.

¹⁰Em i bin tok gen long Jekop, em tumbuna bilong ol Israel, na em i bin strongim dispela kontrak bilong i stap oltaim.

¹¹Bikpela i bin tok olsem, “Mi bai givim graun Kenan long yu, na dispela graun bai i stap graun bilong ol lain tumbuna pikinini bilong yu.”

¹²Bipo ol Israel i liklik lain tru na ol i olsem ol tripman. Tru, ol i bin i stap long graun Kenan, tasol ol i no gat graun bilong ol yet.

¹³Ol i save raun nabaut long graun bilong ol arapela lain pipel.

¹⁴Tasol Bikpela i no larim ol sampela lain i daunim ol. Nogat. Em i helpim ol na em i krosim ol king i laik mekim nogut long ol.

¹⁵Em i tokim ol dispela king olsem, “Mi makim ol dispela manmeri bilong mekim wok bilong mi na yupela i no ken mekim pasin nogut long ol. Yupela i no ken mekim nogut long ol profet bilong mi.”

¹⁶Bikpela i mekim bikpela hangre i kamap long graun bilong ol, na em i pinisim olgeta kaikai bilong ol.

¹⁷Tasol em i salim Josep i go paslain long ol na em i stap long kantri Isip. Ol i larim ol man i baim Josep na em i kamap wokboi nating bilong ol.

¹⁸Ol i pasim strong ol sen long lek bilong en na lek i pen. Na ol i pasim bikpela ring ain long nek bilong en.

¹⁹Em i stap olsem inap long taim ol samting i kamap olsem em i bin tokaut long en. Tok bilong Bikpela i soim ol olsem, tok bilong Josep i tru.

²⁰Orait nau king bilong Isip i salim wanpela man i go lusim Josep long kalabus. Dispela king bilong ol arapela lain em i pinisim kalabus bilong Josep.

²¹Na king i putim Josep i stap hetman bilong gavman bilong en. Olsem na Josep i stap namba wan gavman bilong Isip.

²²Em i gat wok bilong bosim ol ofisa bilong king, na em i gat pawa bilong skulim gut ol man i save givim tingting long king.

²³Bihain Jekop i go i stap long Isip.

²⁴Na bihain Bikpela i helpim ol lain manmeri bilong en na ol i gat planti pikinini. Na em i mekim strong bilong ol i winim strong bilong ol birua bilong ol.

²⁵Em i mekim ol Isip i birua long ol manmeri bilong en, na ol Isip i painim rot bilong mekim nogut long ol wokman bilong en.

²⁶Bihain Bikpela i makim Moses, wokman bilong en, na Aron, na i salim tupela i go long Isip.

²⁷Tupela i mekim strongpela wok bilong God na i wokim ol mirakel long Isip.

²⁸God i mekim tudak i karamapim graun bilong ol, tasol ol Isip i sakim tok bilong en.

²⁹Em i tanim olgeta wara bilong ol i kamap blut na i kilim i dai olgeta pis.

³⁰Ol rokrok i kamap planti moa na pulapim graun bilong ol, na bikpela haus bilong king tu.

³¹God i tok, na ol lang na natnat i kamap planti tumas na pulapim olgeta hap graun na ples.

³²Em i no salim ren tru i kam daun long graun bilong ol. Em i mekim ren ais na paia bilong klaut i kam daun.

³³Em i bagarapim ol diwai wain na ol diwai fik bilong ol, na em i brukim ol diwai nabaut.

³⁴Em i tok tasol, na ol grasopa i kamap. Namba bilong ol i moa yet, na ol man i no inap kaunim.

³⁵Ol grasopa i kaikai olgeta samting i gat lip, na olgeta lip bilong kaikai ol Isip i bin planim.

³⁶Na God i kilim i dai ol nambawan pikinini man bilong olgeta famili bilong Isip.

³⁷Bihain em i bringim ol Israel i go na ol i lusim Isip. Ol i karim silva na gol wantaim na ol i go. Olgeta Israel i stap gut. I no gat wanpela i bagarap.

³⁸Ol Isip i pret long ol Israel. Olsem na ol Isip i lukim ol i go pinis na ol i amamas tru.

³⁹God i putim wanpela klaut i stap antap na karamapim ol manmeri bilong en. Na long nait em i putim bikpela paia i stap na ol i gat lait.

⁴⁰Ol i askim em long sampela kaikai, na em i salim ol pisin i kam na ol i kaikai. Em i givim bret bilong heven long ol, na ol i kaikai na pulap tru.

⁴¹Em i mekim wara i kamap long wanpela bikpela ston. Bikpela wara i kapsait na i ran i go long ples drai i gat wesan, olsem wanpela bikpela wara bilong bus.

⁴²Em i tingting yet long dispela strongpela promis bipo em i mekim long Abraham, wokman bilong em.

⁴³Olsem na em i bringim ol manmeri bilong en i go. Na ol i singsing na amamas i go. Dispela ol manmeri em i makim pinis bilong em yet, ol i singaut na amamas na wokabaut i go.

⁴⁴Graun bilong ol arapela lain manmeri, em i givim long ol. Na em i larim ol i kisim ol gaden bilong ol dispela lain.

⁴⁵Em i mekim olsem bai ol Israel i ken bihainim olgeta tok na olgeta lo bilong em. Litimapim nem bilong Bikpela!