Proveps-Knare Nomaniza 7:4-16

⁴Knare antahintahigura nensaro'e nehunka, antahi amahu antahintahigura nenafu'e hunka huo.

⁵Ve'ama maninesia a'mo'ma kazeri savrima hu'zama nehinkeno'a, ana kemo'a kaza nehina ru kazigati a'mo'ma kazeri savri hunaku'ma masavenke'ma nehanigeno'a, ana kemo'a kaguvazigahie.

⁶Mago zupa mani'ne'na noniamofona zaho eri kampinti negogeno,

⁷mago'a nehazave enevazafina kogeno amuno zamifina, mago nehaza ne'kanora, knare antahizama'a omanenea ne' ke'noe.

⁸Agra monko'amofo nontava'onte vu'nea nonkaranka nevuno, ana a'mofo nonte vu'nea kampi ufreno vu'ne.

⁹Hanima hukuma nehigeno, hanimo'ma rentrako huzahifi ana hu'ne.

¹⁰Ana a'mo'ma kukenama hu'neana monko a'nemo'za nehazankna kukena hu'neno, ana ne'ma masavenkema asamino azeri savrima hanigura e'ne.

¹¹Ana a'mo'a kehagra hagra nehuno, nontera manirava oheno kankekanke nehigeza, rama vahe'mo'za ke'za antahiza hu'naza are.

¹²Ana a'ra hakarea zupa kampine, maketi kumapine, maka kaziga manineno venenema evazageno rezamaheno zamavazuma hanigu negea akino,

¹³ana nehaza nera azeri anukiazamo antako hunenteno, avufga azeri otiare avunutira negeno anage hu'ne,

¹⁴nagra menina narimpa fruma eri kresramana vugeno, huvempama huntenoa kemo'a raga re'ne.

¹⁵Hu'negu kagriku hakarena kagenaku oregati hago eme kagena eri forehue.

¹⁶Isipi vahe'mokizmi pse'ane tavravereti mase tafera hunte'noe.