Sandane 7:4-16

⁴Fe kolonna suxu alo i magilɛna, xaxilimayana alo i kon kaana.

⁵E i ratangama nɛn yalunde ɲaxanla ma, e nun muxu gbɛtɛna ɲaxanla marakunfa falane.

⁶Lɔxɔna nde, n yi tixi n ma banxi foye soden na n yi tanden matoma,

⁷n foninge keden nakɔrɔsi banxulan fe kolontarene yɛ. Xaxili mi yi na banxulanna ma.

⁸A yi danguma kiraan xɔn, dɛnaxan maso ɲaxanla nde konna kira fataden na a yi danguma a banxin mabinni.

⁹Sogen godomatɔɔn nan yi a ra, kɔɛna a li waxatin naxan yi, dimin yi so.

¹⁰Ɲaxanla yi mini a ralandeni, a maxidixi alo yalundena, kɔtɛ ɲaxin yi a bɔɲɛni.

¹¹Xurutaren nan yi a ra naxan mi yagima, a mi luyɛ a konni mumɛ!

¹²Waxatina nde, a sa kirane xɔn waxati gbɛtɛ a sa yama malandene yi, a dɔxi xɛmɛne yɛɛ ra kira xunne birin na.

¹³A yi na banxulanna suxu, a yi a sunbu. A yi a fala a xa a yɛɛni yalanxin na, a naxa,

¹⁴“N bata yi dɛ xuiin tongo n xa bɔɲɛ xunbeli saraxan ba Ala xa. To n bata a ba, na suben sa banxini.

¹⁵Nanara, n bata mini i ralandeni. N yi i tan nan fenma, anu n bata i to!

¹⁶N bata n ma sadeni tɔn bitingan faɲine ra, Misiran yamanan taa dugine.