Proveps-Knare Nomaniza 31:19-24

¹⁹Ana a'mo'a agra'a, azanuti nofira zagino kukena hatino tro nehie.

²⁰Agra zamunte omane vahera zamaza nehuno, mago'a zanku'ma upama haza vahera zamaza nehie.

²¹Ana a'mo'a zasi koma atanigeno'a, noma'afima nemaniza naga'amo'zama zasiku'ma fri'zankura, korora osugahie. Na'ankure amuhoma hu tavravereti hatino kukena huzamantene.

²²Agra tafe'ma masi tafera hatino tafera nehuno, zgo'amo mareri efeke ene fitunke tavravereti kukena hugahie.

²³Rankumamofo kafantema ranra vahe'mo'zama atru huza kegagama nehazafina, ana a'mofo nevena antahimiza ke'za antahiza hu'naza nere.

²⁴Mika zupa ana a'mo'a knare kukena nehatino, zamu'nofira tro nehige'za feno vahe'mo'za eme mizase'naze.