Proveps-Knare Nomaniza 26:4-12

⁴Neginagi vahe'mofona neginagi naneke zamirera kenona huozamanto, anama hananana zamagri kna hunka neginagi vahe manigahane.

⁵Antahiso'e hutenka neginagi vahe'mo'za, neginagi nanekema hanaza nanekerera, kenona zmia huzamanto, ru zamagra antahisazana knare antahiza eri'none hugahaze.

⁶Neginagi vahe'mofoma katogema huntesankeno kema erino vaniazamo'a, mago kaga akafri atreankna nehuno, avuatga ti neankna hugahane.

⁷Neginagi vahe'mo'ma knare nomanizamofo nanekema hu'zamo'a, vahe'mofoma frino sti'nea agamo eri'za e'oriankna huno, ana naneke'amo'a erizana e'origahie.

⁸Neginagi antahizane vahe'ma ra zamagima zmizamo'a, kumi'atifima have erinteno ahe atrenaku anteankna nehie.

⁹Neginagi antahizane vahe'mozama knare nomanizamofo naneke hanazana, negi ti neno neginagi hu'nea vahe'mo, ave ave nofi azampi azerineno traka truku huno vano hiankna nehie.

¹⁰Neginagi antahizane vahe'ene karankama enevanaza vahe'ma zgorema eri'za erisazegu'ma zamavresia zamo'a, keve ome ahetre emehetre huno rama'a vahe zamaheankna hugahie.

¹¹Kramo'ma amu'ma atitrenere'ma eteno viaza hu'za neginagi vahe'mo'za koma nehaza neginagi zamavu'zmavara hutere nehaze.

¹²Neginagi vahe'mo'za amuhama hazazamo'a, ama' antahizane vahe'ma mani'none hu'za antahiza vahera zamagateneraze.