Proveps-Knare Nomaniza 21:22-31

²²Ama' antahi'zane ne'mo'a, hanave vahe'mokizmi rankumara ha' huzamanteno e'nerino, hanave vihugu'ma amuha'ma hunemiza vihua tapage hutregahie.

²³Iza'o kema hu'zampima agi'ene agnefu'nanema kvama hanimo'a, hazenkea e'origahie.

²⁴Vahe'ma huhavizama huzamante vahe'mo'a, avufga ra nehuno, vahera zamage fenkami netreno, agra'a avufga erisga hu'zanke nehie.

²⁵Eri'za e'ori feru vahe'mo'a mika zama eri'zankura avesi'avesi nehuno, frigahie. Na'ankure agra azana eri avako huno, erizana e'orine.

²⁶Feru ne'mo'a mika'zama eri'zankura antahi'vava nehie. Hianagi fatgo ne'mo'a agra'agura ontahino, mika feno'zana vahera nezamie.

²⁷Kefo avu'ava ene vahe'mo'ma kresramnama nevia zankura, Ra Anumzamo'a agoteno avesra hunenteankino, kefo zamagu'zamage'saretima eri'za aza vahera mago'ane agatereno avesra hunezamante.

²⁸Keagama refako hu tratema havigema huno hu ama'ma huntesimo'a, frigahie. Hianagi tamage kema hanimofona, ana agenke'amo'a mevava huno vugahie.

²⁹Kefo avu'avama hu vahe'mo'a, havige huno nagra knare vahe mani'noe nehie. Hianagi fatgo vahe'mo'za zamagesa antahi so'e hute'za kana nevaze.

³⁰Ama' antahi'zana eri'nenka, antahi ama'ma hu antahizana erigahananagi, Ra Anumzamofoma ha'ma rente'sanana ana antahi zankamo'a amne zankna hugahie.

³¹Ha'ma huzana hosi afura azeri retro hugahazanagi, ha'ma azeri'agatere zana, Ra Anumzamofontegati egahie.