Matthew 12:38-44

³⁸Johnpadahk in Kojonned apel Pharisee pwi indoa ipen Jesus pwehng ih, “Johnpadahk, kamai nimen koawoa en kajalehng kamai oau manmanno.”

³⁹Jesus japoang, “Ia woahr nauna apel rosros in armaj in anjoau kije! Kamwai poaki manman oau jang ipoai a manman wahr ngoahi nen kioang kamwai ioar manman in johkohp Jonah.

⁴⁰Pel doahr en Jonah minmine nehn kapehdin mwumw koalikko rehn jiluh pel pwong jiluh, ioar doahr, Nihn Armaj, pirin mine pehn jampah rehn jiluh pel pwong jiluh.

⁴¹Nehn Rehnin Kadeikko mihn Nineveh pirin uhwoang kamwai apel kadeikda kamwai, pwa ahr koluhla apel wiliakapwla nehn ahr rong en Jonah padahkko. A apkas emen ma laplapjang Jonah mine me.

⁴²Nehn Rehnin Kadeikko Li nahmwarki in Sheba pirin uhwoang kamwai apel kadeikda kamwai,pwa ih jeiloakdo jang nehn ah weiho pwa en rong doahroar en nahmwarki Solomon kaweid loalkoang. A apkas emen ma laplap jang Solomon mine me.

⁴³“Nehn en ngen jaus men kin diljang nehn armaj men, ih kin allaluhjili nehn japwsoahn, rapahki wijahn koammoal a nehn ah johkin diar.

⁴⁴Doar ih ken pwehng pein ih, ‘Ngoahi en pirin pwurlahng nehn umwoaiho.’ Doar ih pwurla diarda pwa umwahu ne soahnda, mwakelkel, apel joan.