Mateus 12:38-44

³⁸Mürin ekoch ekewe Sensen Allük me ekewe Farisi ra üreni Jesus, “Sense, äm aia mochen küna usun om kopwe föri eu manaman.”

³⁹Nge Jesus a üreniir, “A ifan me ingauen me kirikiringauen ei täppin aramasen ikenai! Oua tüngor ngeniei pwe üpwe föri eu manaman, nge esap wor eu manaman epwe pwä ngenikemi, pwe ewe chök manaman mi fis ngeni ewe soufos Sona.

⁴⁰Pun usun Sona a nom lon luken ewe ik mi watte lon ükükün ülüngat rän me ülüngat pwin, iei usun Nöün Aramas epwe nom leutun fanüfan lon ükükün ülüngat rän me ülüngat pwin.

⁴¹Lon ewe ränin kapwüng ekewe chon Ninifa repwe ütä o atipisi ei täppin aramas, pun ra aier ren än Sona afalafal. Nge üpwe ürenikemi, pwe eman mi lap seni Sona a nom ikei!

⁴²Lon ewe ränin kapwüng ewe kiwinen Sepa epwe ütä o atipisi ei täppin aramas. Pun neminei a saito seni fanüan mi toau, pwe epwe rongorong än ewe king Salomon kapasen tipachem. Iwe, üpwe ürenikemi, pwe eman mi lap seni Salomon a nom ikei!

⁴³“Are eman ngününgau a towu seni eman aramas, a saifeil won fanü mi pwasapwas o kütta eu leni pwe epwe asösö lon. Are esap küna eu leni,

⁴⁴epwe apasa, ‘Üpwe liwinsefäliti imwei we üa towu seni.’ Iwe, lupwen a tori ewe imw, a küna pwe a pön, a limöch o kotöch.