Matewuzhu 12:38-44

³⁸Aphano mafwarizeewu akina na anamanozela a kano khulupa yoori: “Mwaaliimu, nintakha woona alama ya minjuza yoorettiwa ti weeyo.”

³⁹Ye khujipu araka: “Khapila yootakhala na yooraruwa enveka alama ya minjuza, ila khinteela winkhiwa hatha moote ya ohiiyi alama ya napiyu Yuunusa.

⁴⁰Maana nkhama etthiipo Yuunusa ekhaliyeeyo siikhu ttatthu nthana na osikhu mmatthupo wa swi, khwa etthiipo Mwaana wa Pinaatamu onttela wiikhala siikhu ttatthu nkhapuri.

⁴¹Atthu a Neniive anlawa alankhe siikhu ya ophukiwa, ookwiseleni paathuli mweeyo, maana yo athupwiya twampi zaya paata ya osiila tafusiiri ya Yuunusa, na aphano ori apha otule eeyiyeeyo nwulweene zayita Yuunusa.

⁴²N'hano wa Kusini onlawa alankhe siikhu ya ophukiwa ookwiseleni paathuli mweeyo, maana ye alankha peetiwene oteela osiila ojuwa wa Seleyimaana, ila nasaapi otu ariiye apha anziti Seleyimaana.

⁴³“Amana sheethwani anlawa ntthu, onvira nhali woohiimo maati eekesaka vahali woovumulavo, ila amana ahipatthivo.

⁴⁴Aphano onri: ‘Kinrutela nyuupa ethiitile kilankhiyeeyo.’ Noofiya khusikana nyuupa eheettiweenimo, ori wooseeliwamo wawaattaleliwamo saana.