Luka 4:2-24

²thaj štarvardeš đes probilasle o beng, thaj khanči či hala pale godola đesa a kana pherdile godola đesa vo bokhajlo.

³A o beng phendas lešće: “Ako san Čhavo e Devlesko, phen akale barešće te postanisarel mangro.”

⁴A o Isus phendas lešće: “Ando Sveto lil ačhel ramome: 'Či trail o manuš samo katar o mangro.'”

⁵Inđardale o beng pe vuči gora thaj sikadas lešće sa e carstvurja akale themešće ando treno e jakhako.

⁶Thaj phendas lešće o beng: “Tuće dava sa akaja vlast thaj e slava lenđi, kaj si manđe predaime, thaj me šaj te davala kašće me kamav.

⁷Ako peres pe koča angle mande thaj slavisman, avela sa ćiro.”

⁸A o Isus phendas lešće: “Ando Sveto lil ačhel ramome: 'De koča thaj slavisar samo e Gospode ćire Devles, thaj jedino lešće služisar.'”

⁹Thaj o beng inđardale ando Jerusalim, thaj čhutale po vrho e Hramosko, thaj phendas lešće: “Ako san Čhavo e Devlesko, huti katar tele,

¹⁰kaj ando Sveto lil ačhel ramome: 'Pale tute kaj pire anđelenđe zapovedila te len sama pe tute.'

¹¹thaj: 'pe vas inđarena tut te či pećes varekaj će pungresa ando bar.'”

¹²A o Isus phendas lešće: “Ramome si: 'Na probisar e Gospode e ćire Devle.'”

¹³Thaj kana o beng završisarda te probilasle, đelotar lestar pale varesošći vrjama.

¹⁴O Isus boldape ande e galilejako krajo pherdo e Sveto Duhošće silava thaj o glaso pale leste buljardape pe sasto godova krajo.

¹⁵Sikavelas pe lenđe sinagoge, thaj savora šukar mothonas pale leste.

¹⁶Thaj avilo ando gav savo akhardolas Nazaret kaj barjilo, thaj pe piro običajo ando savato dija ande sinagoga, thaj uštilo te čitol.

¹⁷Dinele e knjiga katar o proroko Isaija, putardas e knjiga thaj arakhla o than kaj si ramome:

¹⁸“O Duho e Gospodesko si pe mande zato makhlas mungro šoro e uljeja thaj bičhaldama, te anav e bahtali nevimata e čorenđe, bičhaldama te propovedisarav e phanglenđe kaj avena mukle, thaj e korenđe kaj dićhena, e zarobimenđe kaj avena oslobodime

¹⁹thaj te proglasisarav o brš milosti e Gospodesko”.

²⁰Phandada e knjiga, dijala ko sluga thaj bešlo te sikavel, a savora save sas ande sinagoga dićhenas pe leste.

²¹Thaj počnisarda te phenel lenđe: “Ađes akava Lil savo ašundine tumare kanenca pherdilo.”

²²Savora phenenas sa maj šukar pale leste, thaj divinaspe e šukar alavenđe kaj inkljenas andar lesko muj, thaj phenenas: “Naj li a kava o čhavo e Josifesko?”

²³Askal phendas lenđe: “Tumen manđe bi sumnjako mothona akaja poslovica: 'Doktorina! Sastar korkoro tut!' Ćer vi akate ande ćiro gav kaj barjilan so ašundam kaj ćerdan ando Kafarnaum.”

²⁴Askal nastavisarda te mothol: “Čačes phenav tumenđe: 'Nijek proroko či lačhe avilo ande piro gav kaj bajrilo.'”