لُكِ 4:2-24

²شِ تٌنفٌ نَانِ بُن مَ، عَ نُ نَ نَا، عِبُلِسَ نُ كَتَقٍ عَ رَتَنتَندٍ. عِسَ مُ سٍسٍ دٌن نَ وَشَتِ بِرِن بُن. نَ شِ كْنتِ تٌ كَمَلِ، كَامّ نُ نَ عَ مَ.

³عِبُلِسَ نَشَ عَ قَلَ عَ بّ، «شَ عَلَ شَ دِ نَن عِ رَ، يَامَرِ قِ يِ فّمّ شَ قِندِ تَامِ رَ.»

⁴عِسَ نَشَ عَ يَابِ، «عَ سّبّشِ كِتَابُي كُي، ‹مِشِ مُ بَلٌمَ تَامِ فبَنسَن شَ رَ.›»

⁵عِبُلِسَ نَشَ قَ عَ شَنِن فٍيَ قَرِ، عَ دُنِحَ مَنفّيَ بِرِن مَسٍن عَ بّ كٍرٍنيِ رَ.

⁶عَ نَشَ عَ قَلَ عَ بّ، «ﭑ يِ مَنفّيَ بِرِن قِمَ نّ عِ مَ عَ نُن عَ دَرِيّ، بَرِ مَ عَ سٌشِ ﭑ تَن نَن يِ. ﭑ قَن نْمَ عَ قِدٍ، ﭑ نَ وَ عَ قِقٍ نَشَن يٌ مَ.

⁷نَ كُي، شَ عِ عِ قٍلٍن ﭑ بّ، عِ ﭑ بَتُ، ﭑ عَ بِرِن قِندِ مَ نّ عِ فبٍ رَ.»

⁸عِسَ نَشَ عَ يَابِ، «عَ سّبّشِ كِتَابُي كُي، ‹عِ شَ عِ مَرِفِ عَلَ فبَنسَن نَن بَتُ، عِ شَ سُيِدِ عَ كٍرٍن نَن بّ.›»

⁹عِبُلِسَ مَن نَشَ عَ شَنِن دَرِ سَلَمُ، عَ عَ تِ عَلَ شَ هْرْ مْبَنشِ قَرِ، يِرٍ عِتٍشِ. عَ نَشَ عَ قَلَ عَ بّ، «شَ عَلَ شَ دِ نَن لَنشِ عِ مَ، تُفَن بٍ رَ،

¹⁰بَرِ مَ عَ سّبّشِ، ‹عَلَ يَامَرِ قِمَ نّ عَ شَ مَلٍكّيٍ مَ عِ شَ قٍ رَ، عٍ شَ عِ كَنتَ.›

¹¹عَ مَن سّبّشِ، ‹عٍ عٍ بّلّشّيٍ رَ سٌمَ نّ عِ بُن مَ، عٍ عِ رَتٍ عَلَكٌ عِ سَنيِ نَشَ دِن فّمّ رَ.›»

¹²عِسَ نَشَ عَ يَابِ، «كِتَابُي مَن عَ مَسٍنشِ، ‹عِ نَشَ عِ مَرِفِ عَلَ مَتٌ.›»

¹³عِبُلِسَ تٌ فّ كَتّ بِرِن نَبَدٍ عَ شَ عِسَ رَتَنتَن، عَ نَشَ كٍلِ عَ شُن مَ، هَن بٍينُن عَ شَ وَشَتِ فبّتّ شَ عَ لِ.

¹⁴عِسَ نَشَ فبِلٍن فَلِلٍ بْشِ مَ. عَلَ شَشِلِ سّنِيّنشِ شَ سّنبّ نُ نَ عَ مَ. عَ شَ قٍ شِبَارُ نَشَ سِفَ رَيٍنسٍن نَ يِرٍ بِرِن.

¹⁵عِسَ نُ مِشِيٍ شَرَنمَ عٍ شَ سَلِدٍيٍ كُي، بِرِن نُ عَ مَتْشْ.

¹⁶عِسَ نَشَ سِفَ نَسَرّتِ، عَ شُرُشِ دّننَشّ. مَلَبُ لْشْي مَ، عَ نَشَ سٌ سَلِدٍ كُي عَلْ عَ نُ دَرِشِ عَ رَ كِ نَشّ، عَ تِ، عَ شَ كِتَابُي شَرَن مِشِيٍ بّ.

¹⁷عٍ نَشَ عَننَبِ عٍسَيِ شَ كِتَابُي سٌ عَ يِ. عَ تٌ عَ عِتَلَ، عَ نَشَ يِرٍ تٌ عَ سّبّشِ دّننَشّ،

¹⁸«مَرِفِ شَشِلِ نَ ﭑ شُن مَ، بَرِ مَ عَ بَرَ ﭑ سُفَندِ، عَ عَ رَفٌرٌ ﭑ مَ، ﭑ شَ سٍتَرٍيٍ كَوَندِ شِبَارُ قَنيِ رَ. عَ ﭑ شّيشِ نّ ﭑ شَ شّيرَ عِبَ مِشِ سُشُشِيٍ بّ، عٍ شْرّيَمَ نّ، ﭑ شَ شّيرَ عِبَ دْنشُييٍ بّ، عٍ يَ سٍ تٌمَ نّ، ﭑ شَ تْورْ مِشِيٍ شْرّيَ نَشٍيٍ نَ نْي بُن مَ،

¹⁹ﭑ شَ شّيرَ عِبَ مِشِيٍ بّ، عَلَ شَ هِننّ وَشَتِ بَرَ عَ لِ.»

²⁰عَ نَشَ قَ كِتَابُي مَكُنتَن، عَ عَ سٌ تَالِبِ يِ، عَ دْشْ. بِرِن عٍ يَ بَنبَنشِ عَ رَ سَلِدٍ كُي.

²¹عَ نَشَ مَسٍنيِ تِ قْلْ عٍ بّ، «تٌ، يِ سّبّلِ نَشَن شَرَنشِ وٌ بّ يِ كِ، عَ بَرَ كَمَلِ.»

²²بِرِن نُ عَ شَ قٍ قَنيِ قَلَمَ، عٍ نُ كَابَ وْيّن قَنيِيٍ مَ نَشٍيٍ نُ مِنِمَ عَ كّرّ عِ. عٍ نَشَ سٌ عٍ بٌرٍ مَشْرِنقٍ، «يُسُقُ شَ دِ شَ مُ يِ كِ؟»

²³عِسَ نَشَ عَ قَلَ عٍ بّ، «ﭑ نَ عَ كٌلٌن وٌ يِ تَالِ سَمَ نّ ﭑ بّ، ‹سٍرِبَ، عِ يّتّ دَندَن.› وٌ مَن عَ قَلَمَ نّ ﭑ بّ، ‹مُشُ بَرَ قٍ نَشَن بِرِن مّ عِ نَشَن نَبَشِ كَثّرّنَمُ، عِ مَن شَ عَ مْولِ رَبَ عِ شْنيِ بٍ.›

²⁴ﭑ شَ نْندِ قَلَ وٌ بّ، نَمِحْنمّ يٌ مُ بِنيَمَ عَ شْنيِ تَن.