Luka 23:13-22

¹³A o Pilat vičinđa kora peste e šerutne sveštenikonen, e vođen hem e narodo

¹⁴i phenđa lenđe: “Anđen kora mande akale manuše vaćerindoj da vazdela pobuna maškaro narodo. Ače, angla tumende pučljum le adalestar, ali na arakhljum nisavi krivica zaki savi tumen tužinena le.

¹⁵A ni o Irod na arakhlja upro leste krivica i adalese bičhalđa le palal kora amende. Akava manuš na ćerđa ništa savese avela meriba.

¹⁶Adalese samo ka naredinav te šibinen le i ka mukav le.”

¹⁸Ko adava sare so inele adari vičinde: “Mudar adale manuše, a muk amenđe e Varava!”

¹⁹(O Varava inele phandlo adalese so učestvujinđa ani pobuna savi inele ano Jerusalim hem adalese so mudarđa nekas.)

²⁰A o Pilat, adalese so manglja te mukel e Isuse, palem vaćerđa olencar,

²¹ali on vičinde: “Čhiv le ko krsto! Čhiv le ko krsto!”

²²A o Pilat palo trito puti phenđa lenđe: “A savo bišukaripe ćerđa akava manuš? Na dikhava sose valjani te merel. Ka naredinav te šibinen le i ka mukav le.”