ሉቃሳ 23:13-22

¹³ጲላፆሲ ቄሳቱዋ ካፓቱዋ፥ ኣዪሲያዋንታኔ ሃራ ጮራ ኣሳ ኢቲፔ ፄሲዴ፥

¹⁴ሃዋዳን ያጌዳ፥ « ‹ሃ ቢታኒ ኣሳ ማካላቴꬃው ዴንꬄꬄ›፥ ያጊዴ ታኮ ኣሄዲታ፤ ታካ ሂንቴንቱ ሲንꬃን ቢዳ ፄላዴ፥ ሂንቴንቱ ሺሼዳ ሞቱዋን ኢቲ ባላኔ ኣ ቦላን ዴማ ቤይኬ።

¹⁵ቃሲ ሄሮዲሴካ ኣ ቦላን ኣይኔ ዴሚቤና ዲራው፥ ሃ ኑኮ ዛሪ ዬዴዳ፤ ሂንቴንቱ ቤዒያዋዳንካ፥ ሃቢታኒ ኣ ሃይቆ ጋꬂያባ ኣይኔ ኡዲቤና።

¹⁶ሃዋ ዲራው ታኒ ኣ ሙራዴ ቢላና» ያጌዳ።

¹⁸ኣሳይ ኡባይ ኢቲፔ ጊዲዴ፥ «ሃ ቢታኒያ ያ ዲጋ! ባርባና ጊያ ዬሱሳ ኑሲ ቢላ!» ያጊዴ ጫቦቴዲኖ።

¹⁹ባርባን ካታማን ዋላሳ ዴንꬂዴ፥ ኣሳ ዎꬌዳ ዲራው፥ ቃሼቴዳዋ።

²⁰ጲላፆሲ ዬሱሳ ቢላናው ኮዪዴ፥ ኣሳው ላዔꬁዋ ጉጂዴ ሃሳዬዳ።

²¹ሺን ኡንቱንቱ፥ «ማስቃሊያ ቦላ ሚሲማሪያን ꬊሻዴ ካቃ! ካቃ!» ያጊ ዋሴዲኖ።

²²ጲላፆሲካ ሄዜንꬁዋ ኡንቱንታ፥ «ኣያው? ሃቢታኒ ኦꬄዳ ኢታ ኦሱ ኣዬ? ታኒ ኣ ሃይቆ ጋꬂያ ናቁዋ ኣይኔ ኣፔ ዴማቤይኬ፤ ሃዋ ዲራው፥ ኣ ሙራዴ ቢላ ዬዳና» ያጌዳ።