LUCAS 23:13-22

¹³Lex wtop Pilato yra fxuz ne rnebééy lo yra fxuz no le yra men ne rnebééy lo men-Israel no le yra mengyëz.

¹⁴Re Pilato lo men: ―Laa de yra de wdxidsan ménree nee; na de ne laa men ka kagoots xtoo mén; per che wnabdizyu noo lo men nes lo de yra de, bet ne mal ne rkagyii de men wzëldet lo noo,

¹⁵ni lo Herodes, le men wxaal ke Herodes nee. Che rwii de yra de ne bet ne mal ne rzëël guet men wlaadet men.

¹⁶Noze yzakzi noo men, lex yselaa ke noo men.

¹⁷Lo lni pask rap Pilato degne rselaa Pilato te mén ne nuu chegyiib.

¹⁸Per wzelo men yra men rderëz men, re men: ―¡Guket men gwa! ¡Guselaa Barrabás!

¹⁹Wguu mén Barrabás chegyiib por ne wzobnadil Barrabás mén Jerusalén no por ne wket Barrabás mén.

²⁰Wlaan Pilato nselaa Pilato Jesus, lex wnii Pilato lo yra men guin ste.

²¹Per wzelo men yra men mazre rderëz men, re men: ―¡Lo kruz gukaa men! ¡Lo kruz gukaa men!

²²Ne wyon tir re Pilato lo men yra men: ―¿Penako? ¿Pe ne malzhe wlaa men? Noo ryenen noo ne bet ne mal ne rzëël guet men wlaadet men. Noze yzakzi noo men, lex yselaa ke noo men.