San Lucas 23:13-22

¹³Niꞌr butubëꞌ Pilato yuguꞌ bxuz uná bëꞌ len bönniꞌ dë lu naꞌquëꞌ len bunách lu yödz,

¹⁴atiꞌ rëꞌ lequëꞌ: ―Djuaꞌliꞌ‑nëꞌ lahuaꞌ nedaꞌ bönniꞌ ni, rnaliꞌ queëꞌ runëꞌ ga tun rusbö́ bunách, san catiꞌ gnabi yudxdaꞌ‑nëꞌ, atiꞌ zóatëliꞌ caꞌ ni, cutu bi budzöldaꞌ le nac zxguiaꞌ nabaguëꞌë, yuguꞌ lë naꞌ ruquiliꞌ‑nëꞌ.

¹⁵Catiꞌ bsölaꞌa lbiꞌiliꞌ lahuëꞌ Herodes, cutu bi budzölnëꞌ le benëꞌ bönniꞌ ni le nac zxguiaꞌ nabaguëꞌë quië nu gchugu queëꞌ gatiëꞌ.

¹⁶Naꞌa usacaꞌ ziꞌa‑nëꞌ len töd naꞌ usanaꞌ‑nëꞌ.

¹⁷Run bayúdx bi gunëꞌ Pilato, usanëꞌ lu naꞌgac bunách tuëꞌ bönniꞌ nadzunëꞌ catiꞌ rac lni naꞌ, ca naꞌ runczëꞌ.

¹⁸Niꞌr gluꞌë zidzj didzaꞌ yúguꞌtë bönniꞌ nacuꞌë niꞌ, taꞌnë́ꞌ: ―Bdöddëꞌ bönniꞌ ni len bsanëꞌ queëtuꞌ Barrabás.

¹⁹Nadzunëꞌ lidx guia Barrabás naꞌ le gdil‑lenëꞌ yúlahuiꞌ lu yödz naꞌ len le budödcdëꞌ bunách.

²⁰Bulidzëꞌ lequëꞌ leyúbl Pilato, le rëꞌnnëꞌ usanëꞌ Jesús,

²¹atiꞌ leyúbl gluꞌë zidzj didzaꞌ, taꞌnë́ꞌ: ―Bdëꞌë lëꞌi yag cruz, bdëꞌë lëꞌi yag cruz.

²²Niꞌr Pilato gudxëꞌ lequëꞌ le bunn lzu, rnëꞌ: ―¿Bizxa caz le cunác benëꞌ bönniꞌ ni? Cutu bi budzöldaꞌ nunëꞌ le run ga nabaguëꞌë zxguiaꞌ gatiëꞌ. Usacaꞌ ziꞌa‑nëꞌ, atiꞌ niꞌr usanaꞌ‑nëꞌ.