Luk 23:13-22

¹³Na mdà Pilato, santifunan i dad ganlal di kafaglut i dad Dyu, na i dademe dad ganlal, na balù i dad btal to.

¹⁴Na manan di dale, “Ta nebeyu dini i to ani na manyu fagasyatan i dad to. Bay ta toogu kenen snalek di kanfeyu, na landè sa teen-gu salàan ku gumdàgu falmayam kenen.

¹⁵Na balù Hérod, landè teenan salàan, du ta lêan man fulê di gito. Salngad i teenyu ani, too landè salà Dyisas ku gumdàgu fafati kenen.

¹⁶Taman, logu fafas, klogu falwà kenen.”

¹⁷Yé duen Pilato man ayé du kat fali di Fista Du Kaglius, galan falwà satu to di blanggù.

¹⁸Bay salngan mkit i dad to, manla, “Fnati Dyisas ayé, na yé falwàam gami Barabas.”

¹⁹I to manla Barabas ayé, blanggù kenen du sanfatin i dad to magot i banwe ayé, na ta gambanò kenen.

²⁰Na too fakdo Pilato di dad to du yé kayèan ku falwàan Dyisas.

²¹Bay too ale mkit, manla, “Fnati kenen! Fnatak di krus!”

²²Na ta lê talù Pilato di gatlun dulê, manan, “Kan? Dét salàan? Landè teen-gu salàan ku gumdàgu fafati kenen. Yé duenam man, logu faflayam klogu falwà dun.”