Luka 23:13-22

¹³Pilata kêkalem lau dabuŋsêga to kasêga ma lau ŋagêdô sa sêpi tageŋ,

¹⁴go kêsôm gêdêŋ êsêac gebe “Ŋac tonec amac akôc eŋ adêŋ aê amêŋ kêtu gêli lau saŋa, mago aê katu Iêsu eŋ, amac taôm aŋô. Biŋ taŋ amac agôliŋ kêpi eŋ naŋ, aê katap ŋanô teŋ sa aŋga ênê atom.

¹⁵Ma Herodo amboac tonaŋ, tec kêkêŋ eŋ gêdêŋ aêac gêmu gêmêŋ kêtiam. Alicgac me, eŋ gêgôm biŋ teŋ kêtôm gebe danseŋ eŋ suŋa nec atom.

¹⁶Amboac tonaŋ jasôm si eŋgeŋ ma jaŋgamboac eŋ su.”

¹⁷Ŋagôliŋ teŋ gêc gebe Pilata êŋgamboac ŋac teŋ su êtôm omsêgageŋ êndêŋ êsêac.

¹⁸Tec lau samob sêmôêc guluŋgeŋ gebe “Eŋ ênaŋamaŋ, ma ôŋgamboac Baraba su êndêŋ aêac.”

¹⁹Ŋac tonaŋ gêli lau sa aŋga malac e gêjac ŋamalac êndu, tec sêkêŋ eŋ gêŋgôŋ kapoacwalô.

²⁰Pilata taê gêjam gebe êŋgamboac Jesu su, tec kêmasaŋ biŋ gêdêŋ êsêac kêtiam.

²¹Ma êsêac sêmôêc kêkô aucgeŋ gebe “Ônac eŋ êpi kakesotau, ônac eŋ êpi kakesotau.”

²²Go Pilata kêsôm gêdêŋ êsêac kêtu dim têlêac gebe “Ŋac tonec gêgôm sec amboac ondoc. Aê katap ênê biŋ danseŋ eŋ su ênaŋaŋa teŋ sa atom, tec gabe jai eŋgeŋ ma jaŋgamboac eŋ su.”