13जमाहेन्से पिलातससे परमेश्वरला मन्दिररी पूजा लबा मुल म्हिगदेदेन यहूदी नेतागदेदा ओच्छे म्हिगदेदा ङ्योइसी,
14“एनीगदेसे चुसे म्हिगदेदा न्होङ्ना लजी भिसी ङा मुबा ग्लारी भजी, तर ङाइ एनीगदेला ङाच्छापट्टिन चुदा ङ्योइबा छार्बा लमा ङाइ ह्राङनीसे लबा दोष तिगै आस्याप्नी।
15हेरोदसेएनोन तिगै दोष आस्याप्बासे लमा चुदा य्हाङ मुबा ग्लारी पुइखजी। च्यागो, साइनोन तोःबा खाल्ला गे चा चुसे तिगै लबा आरे।
16थेतबासेलमा ङाइ चुदा सजाय जे पिन्सी पुइला” भिसी भिजी।
17यहूदीगदे मिश्र य्हुल्साग्याम फेसी खबा धिनदा ढन्सी धङ्बा चाडला धुइरी पिलातससे झ्याल्खानरी मुबा म्हि गिकदा पुइतोःमुबा।
18तर जम्मान म्हिगदेसे “चुदा साइनोन तोःला, बरु ङन्ना लागिरी बारब्बादा पुइसी पिन्गो” भिसी क्रिङ्जी।
19थे धुइरी जम्मान म्हिसे ङोसेबा बारब्बा भिबा आज्यबा गे लबा म्हि गिक झ्याल्खानरी थान्बा मुबा।
20पिलातससे येशूदा पुइबा सेम लसी म्हिगदेदा घोना लबारी म्हाइजी।
21तर थेनीगदे जम्मासेन, “चुदा क्रुसरी टाँगब लसी साइगो, क्रुसरी साइगो!” भिसी क्रिङ्बाला क्रिङ्बान लजी।
22दोःसीएनोन पिलातससे थेनीगदेदा “तिग्दा? चुसे थेह्रङ्बा आज्यबा गे तिग लबा मुला? ङाइ मी चुदा साइतोःबा दोष तिगै आस्याप्नी। थेतबासेलमा ङाइ चुदा सजाय पिन्सी पुइला” भिसी भिजी।
लूका 23
लूका 23:13-22