13පශ්චාත් පීලාතඃ ප්රධානයාජකාන් ශාසකාන් ලෝකාංශ්ච යුගපදාහූය බභාෂේ,
14රාජ්යවිපර්ය්යයකාරකෝයම් ඉත්යුක්ත්වා මනුෂ්යමේනං මම නිකටමානෛෂ්ට කින්තු පශ්යත යුෂ්මාකං සමක්ෂම් අස්ය විචාරං කෘත්වාපි ප්රෝක්තාපවාදානුරූපේණාස්ය කෝප්යපරාධඃ සප්රමාණෝ න ජාතඃ,
15යූයඤ්ච හේරෝදඃ සන්නිධෞ ප්රේෂිතා මයා තත්රාස්ය කෝප්යපරාධස්තේනාපි න ප්රාප්තඃ| පශ්යතානේන වධහේेතුකං කිමපි නාපරාද්ධං|
16තස්මාදේනං තාඩයිත්වා විහාස්යාමි|
17තත්රෝත්සවේ තේෂාමේකෝ මෝචයිතව්යඃ|
18ඉති හේතෝස්තේ ප්රෝච්චෛරේකදා ප්රෝචුඃ, ඒනං දූරීකෘත්ය බරබ්බානාමානං මෝචය|
19ස බරබ්බා නගර උපප්ලවවධාපරාධාභ්යාං කාරායාං බද්ධ ආසීත්|
20කින්තු පීලාතෝ යීශුං මෝචයිතුං වාඤ්ඡන් පුනස්තානුවාච|
21තථාප්යේනං ක්රුශේ ව්යධ ක්රුශේ ව්යධේති වදන්තස්තේ රුරුවුඃ|
22තතඃ ස තෘතීයවාරං ජගාද කුතඃ? ස කිං කර්ම්ම කෘතවාන්? නාහමස්ය කමපි වධාපරාධං ප්රාප්තඃ කේවලං තාඩයිත්වාමුං ත්යජාමි|