Luka 18:11-24

¹¹O farisejo ačhilo thaj molisada pestar: 'Devla! Hvaliv tut kaj najsem sar kala avera manuša: čora, bičačutne, preljubnikura il sar kava o cariniko.

¹²Postiv duj droma ko kurko; dav tu dešto kotor tare sa so isima.”

¹³A o cariniko odural ačhilo, ni manglja ni pe jakha te vazdol ano nebo, thaj čaladape ano kolin te sikavol kobor lese pharo thaj vačarda: 'Devla, av milostivno pe mande grešnikose!'

¹⁴Vačarav tumenđe: o cariniko đelo čhere opravdimo anglo Dol, a na kava o farisejo. Golese savo pes vazdol, ka peravol pe, a e perade ka aven vazdime.”

¹⁵Ande anglo Isus čak i em cikne čhavoren te astarol len thaj te blagoslovil len. A kana dikhlje gova e sikade, čhinade gova.

¹⁶A o Isus vačarda pe sikadenđe: “Mučhen e čhavoren ke mande thaj ma ačhaven len, golese so gasavenđe perol o carstvo e Devleso!

¹⁷Čače vačarav tumenđe, savo ni primil o carstvo e Devleso sar čhavoro, ni ka dol ane leste!”

¹⁸Thaj pučlja e Isuse jekh šerutno: “Učitelju šukareja, so te čerav te avol ma đuvdipe bizo meripe?”

¹⁹A o Isus phenda lese: “Sose akharema šukareja? Khoni naj šukar samo o Dol.

²⁰E Devlese zapovestura đane: 'Ma čher averčumidipe', 'Ma mudar', 'Ma čor', 'Ma svedoči hohavne', 'Poštuji će dade thaj će da!”

²¹A o šerutno vačarda: “Sa kava čerdem taro mo ternipe.”

²²A kana šunda kava o Isus vačarda lese: “Vađi jekh trubul tut: bičin sa so isi tut thaj de e čororen, thaj ka avol tu blago ko nebo. Thaj posle ava pale mande!”

²³A kana gova šunda sasa bibahtalo, golese kaj sasa but barvalo i ni manglja te bičinol sa.

²⁴A kana dikhlja le o Isus kaj sasa bibahtalo, vačarda: “Kobor si pharo te đal pe ano carstvo e Devleso kolenđe so si barvale!