San Lucas 18:11-24

¹¹Fariseo awane kun kit usminpain ka kwinta kirɨt: ‘Nane Diosta aishtaish kaiztus, na mamaz awakana chi akwa. Uspane walkumtuz mai. Uspane kwail kimtuz mai. Uspane mamazpa ashampa mɨlamtuz mai. Nane an Roma gobierno pial sapmumikakana chi ish.

¹²Nane domingo aizpa paas piji kumtuchish. Nane kana kit aizpa diez paimpa nail kit maza paimpa puizara mɨlamtus.’

¹³Gobierno pial sapmumikane attishtain kun kit chiyurain izakshitchi. Us kwail tayaltu akwa, paiña pitchukin paat kit kaizta: ‘¡Dios. Nane kwail kirau. Nawa kiwain kit ap kwail kit aizpa kanincha!’

¹⁴Watcha kaiznamtus. Dios paiña kwail kit aizpa wat kultawane, gobierno pial saptumikane paiña yalta kailta. Mamazne, Fariseo awane, wat kultachin kailta. Mɨnpazha usparuzain anza tɨnta namtashitne, Diosne usparuza an we tɨnta namnintɨnazi.”

¹⁵Mane awane Jesústa pashparuza karaara, usparuza paninnanapa. Kammuruz sun izarawane, uspane awaruza kaiznara: “Pashpa Jesústa karaman.”

¹⁶Sunkana Jesúsne pashparuza akwanat kit kaiznara: “Une pashparuza nawa anintain. Une ‘Jesústa ɨman’ kizman. Pashparuz Jesústa aashimtu akwa, Diosne usparuza ɨninnashina. Pashpakana uztain, Dios uruza ɨninnanapa.

¹⁷Watcha kaiznamtus. Diosne uruza ɨninnashimtu. Pashparuzne Dios kaizta aizpa mɨashimtu. Kawarain Diosta mɨrain, Dios umɨza ɨninnanapa.”

¹⁸Maza katsa mikwane Jesústa mɨmara: —Wat kamtam. ¿Chima kinpai, chiyura pailta payukima uzna?

¹⁹Jesúsne ussa sɨnkara: —¿Chitma nawa wari kiztus? Diosmin wari. Mɨnminkas wat chi.

²⁰Nune Dios ɨninta aizpa pian: “Mamazpa ashampakasa pitmun. Piantamun. Walkumun. Mamazpa pɨrail kaizmun. Up taittawakas up akkwawakas wat paranari.”

²¹Katsa mikwane kaizta: —Nane ainkiasmin Dios wan ɨninta aizpa kirau.

²²Sun mɨrawane, Jesúsne ussa kaizta: —Nune mama pitchin we kirɨt. Wan mɨj aizpa painin kit puizara mɨlanari, chiyura kwazpa kulna. Suasne at kit nawa kanpazha, kizta.

²³Sun mɨrawane, usne tayalmɨzta, akkwan pial mɨj akwa.

²⁴Jesúsne ussa iz kit kaizta: —Kwazpamikane Dios ɨnintura wat nusachi. Sua napna sam i.