Jenesis 10

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Noagö nahönurupŋi Sem, Ham aka Jafet yeŋgö gwölönarökurupŋini göulu teköiga asuhugeri, yeŋgö qet areŋini kewö:

²Jafetkö nahönurupŋi yeŋgö qetŋini mi Gomer, Magog, Madai, Jawan, Tubal, Mesek aka Tiras.

³Gomergö nahönurupŋi yeŋgö qetŋini mi Askenas, Rifat aka Togarma.

⁴Jawangö nahönurupŋi yeŋgö qetŋini mi Elisa, Tarsis aka Saiprus könagesö aka Dodan könagesö.

⁵Yeŋgö isimoröurupŋini mi jula deŋqeŋda Sutŋire Köwetkö jitŋe aka miaŋgö gölme jöhanŋi jöhanŋi miaŋgöreŋ nanŋini gölmeŋine anda malje. Yeŋön isikŋini dop, kambuŋini dop aka keuŋini dop nanŋini gölmeŋine anda malje. Jafetkö könagesöŋi mewö.

⁶Hamgö nahönurup yeŋgö qetŋini mi Kus, Ijipt, Libia aka Keinan.

⁷Kusgö nahönurupŋi yeŋgö qetŋini mi Seba, Hawila, Sabta, Rama aka Sabteka. Ramagö nahönyahötŋi yetkö qetŋiri mi Seba aka Dedan.

⁸Kusgö nahönŋi kun qetŋi Nimrod asuhuyök. Yaŋön qariba wahöta bimqeqegö suahö azi köhöikŋi kötökŋi aka gölmenöŋ malök.

⁹Yaŋön Kembugö jemesoholŋe böröjaŋ azi köhöikŋi malöhaŋgöra aka keu saiŋi kewö jimakze: “Kunöŋ Nimrod ewö Kembugö jemesoholŋe böröjaŋ azi köhöikŋi akza.”

¹⁰Nimrodkö bemtohoŋi mi gölme kewöŋe miaŋgöreŋ könahiget: Babel, Erek, Akad aka Kalne. Taon 4 mi Babilonia (Sinar) gölmenöŋ ahöze.

¹¹Nimrodnöŋ Babilonia gölme mosöta Asiria anda miri ketaŋi ketaŋi qetŋini Niniwe, Rehobotir aka Kala mi mem wahörök.

¹²Mewöyök Resen mi Niniwe aka siti ketaŋi qetŋi Kala yetkö sutŋire mem wahörök.

¹³Ijiptkö gwölönarökurupŋi yeŋön Libia könagesö, Anam könagesö, Lehab könagesö aka Naftu könagesö akze.

¹⁴Mewöyök Patrus, Kaslu aka Krit. Krit mi Filistia könagesö yeŋgö bömönŋini ahök.

¹⁵Keinangö nahönŋi mutukŋi mi Saidon. Yaŋgö andöŋe Keinanöŋ könagesö kewöŋi yeŋgö bömönŋini ahök: Hit könagesö,

¹⁶Jebus könagesö, Amor könagesö, Girgas könagesö,

¹⁷Hiwi könagesö, Arka könagesö, Sini könagesö,

¹⁸Arwad könagesö, Zemar könagesö aka Hamat könagesö. Keinanöŋ körek pakpak yeŋgö iwi bömönŋini aiga yeŋön könaŋgep jula deŋqeŋget.

¹⁹Mewö deŋqeŋgetka Keinan könagesö yeŋgöreŋ gölme göraŋi mi miri qetŋi Saidon miaŋgöreŋök könahiba anda Gerar mire anda Gaza miaŋgöreŋ teköza. Mewöyök Sodom göröken anda Gomora anda Adma aka Zeboim anda Lasa miaŋgöreŋ teköza.

²⁰Hamgö nahönurupŋi mi isikŋini dop, keuŋini dop, gölmeŋini dop aka könagesö kambuŋini dop mewö malje.

²¹Jafetkö datŋi Sem yaŋgö nahönurupŋi mewöŋanök asuhuget. Semnöŋ mewö Ebergö nahönurup pakpak yeŋgö bömönŋini ahök.

²²Semgö nahönurupŋi yeŋgö qetŋini mi Elam, Asur, Arfaksad, Lidia (Lud) aka Aram.

²³Aramgö nahönurupŋi yeŋgö qetŋini mi Uz, Hul, Geter aka Mas. Mewö malget.

²⁴Arfaksadkö nahönŋi Sela asuhuiga yaŋgö nahönŋi Eber asuhuyök.

²⁵Ebergö nahönyahötŋi yahöt asuhuyohot. Kunöŋ asuhuba mala koröhi, nalö miaŋgöreŋ gölme ambazipnöŋ jula deŋqeŋget. Miaŋgöra yaŋgö qetŋi Peleg (Deŋqeŋ) qetket. Munŋaŋgö qetŋi mi Joktan.

²⁶Joktangö nahönurupŋi kewö asuhuget: Almodad, Selef, Hazarmawet, Jera,

²⁷Hadoram, Uzal, Dikla,

²⁸Obal, Abimael, Seba,

²⁹Ofir, Hawila aka Jobab. Azi pakpak mi Joktangö nahönurupŋa.

³⁰Yeŋgö tatat malmal gölmeŋini mi miri qetŋi Mesa miaŋgöreŋök könahiba miri qetŋi Sefar miaŋgöreŋ göröken anda wehön kotkotŋaŋgö gölme kunduŋambuk miaŋgöreŋ teköza.

³¹Semgö nahönurupŋi mi isikŋini dop, keuŋini dop, gölmeŋini dop aka könagesö kambuŋini dop mewö malje.

³²Noagö isimoröurupŋi mi isikurup areŋini, könagesöŋini aka gölmeŋini dop mewö aket. Yeŋön jul sehiba deŋqeŋda könagesö kambuŋi kambuŋi aketka göulu ketaŋan teköiga anda gölme dop köla malget. Mewö.