Tutuik laꞌeneu Sososan 10

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Basa faa tuak, boe ma Noh ana nala, hambu numbu-sadu kala, fo ndia numbu-saduk neme Sem, Yafet ma Ham mai.

²Yafet numbu-sadu nala, sila: Gomer, Magok, Madai, Yawan, Tubal, Mesek ma Tiras. Esa-esako no ndia dedeꞌan, sila leon, ma sila dae hehelin. Gomer numbu-sadu nala, sila: Askenas, Rifat ma Togarma. Yawan numbu-sadu nala, sila: Elisa, Tarsis, hataholi Kitim asa, ma Dodanim, fo ala leo lai tasibifi kala.

⁶Ham numbu-sadu nala, sila: Kus, Misram, Put, ma Kanaꞌan.

⁷Kus numbu-sadu nala, sila: Seba, Hawila, Sabta, Raema ma Sabteka. Raema numbu-saꞌdu nala, Syeba no Dedan.

⁸Kus ana touanan, ndia Nimrod, fo malangga musu palani makasosoak.

⁹Ndia lanin neme LAMATUAK mai, losa ndia boe oo, dadik manasombu banda fo ana seli. Huu ndia, de hataholi la lateme kokolak lae, “Ela ana dadik mana sombu malelak leo Nimrod, fo ana hambu ndia ana selin neme LAMATUAK mai.”

¹⁰Sososan, ndia dae babaꞌen mulai neme Babel, Erek Akad, ma Kalne. Sila basa sala lai Sinear

¹¹Neme ndia mai, ana koasa seluk Asyur. Basa boe ma, ana nambadedei kota Niniwe, Rehobot-Ir, Kala,

¹²ma Resen fo nai Niniwe no Kala laladan. Basa sala, kota inahuuk mesan.

¹³Misraim numbu-sadu nala, fo sila, hataholi Ludim, Anamim, Lehabim, Naftuhim,

¹⁴Patrusim, Kasluhim, ma Kaftorim. Hataholi Kasluhim ndia, na, sila hataholi Filistin asa bei-baꞌi nala.

¹⁵Kanaꞌan, ana kaꞌan, ndia Sidon. Kanaꞌan boe oo, ana dadik neu hataholi Het,

¹⁶Yebusi, Amori, Girgasi,

¹⁷Hiwi, Arki, Sini,

¹⁸Arwadi, Semari, ma Hamati sala bei-baꞌi nala. Kanaꞌan numbu-sadu nala, latanggenggelak losa dook,

¹⁹losa sila dae too nala, mulai neme Sidon mai, nakandoo neni Gerar neu, losa nai Gasa. Neme ndia mai, neni Sodom, Gomora, Adma, ma Seboim, losa nai Lasa.

²⁰Sila basa sala ndia, Ham numbu-sadu nala. Esa-esak no ndia dedeꞌan, ma leon, ma dae hehelin.

²¹Yafet kaꞌan Sem, ana dadik hataholi Eber asa bei-baꞌi nala.

²²Sem numbu-sadu nala, sila: Elam, Asyur, Arpaksad, Lud ma Aran.

²³Aran numbu-sadu nala, sila: hataholi Us, Hul, Geter, ma Mas.

²⁴Arpaksad anan, Sela. Sela anan, Eber.

²⁵Eber ana hambu ana tou-anak dua. Kaꞌak naꞌde Pelek, (fo ndandaan nae, ‘latanggenggelak’), huu faik ndia, hataholi la latanggelak nai daebafok. Faꞌdin, nade Yoktan.

²⁶Yoktan numbu-sadu nala, sila: Almodad, Selef, Hasar-Mawet, Yera,

²⁷Hadoram, Usal, Dikla,

²⁸Obal, Abimael, Syeba,

²⁹Ofir, Hawila, ma Yobab. Sila basa sala ia, Yoktan numbu-sadu nala.

³⁰Sila mamana leleon ndia, mulai neme Mesa, nakandoo losa nai Sefar, fo ndia mamana lete kala lai dulu.

³¹Sila basa sala sila, Sem numbu-sadu nala. Esa-esak no ndia dedeꞌan, sila leon, ma sila dae hehelin.

³²Basa sila, Noh numbu-sadu nala, esa-esako no ndia leo hehelin. Faik fo faa tuak nateꞌe, sila ndia latanggenggelak tao lahenu daebafok.