1Ziɛve golai leʋega ʋoluma, Nowe ná-doun zunuiti, Sɛme, Same ta Zafɛte, ti dointi sɔlɔɔni. Ti-mavofodaiti daaseigiti ti ɠɛni ga:
2Zafɛte mavofodaiti ti ɠɛni ga: Gɔmɛɛl, Magɔge, Madayi, Yavan, Tuɓale, Meesɛke, ta Tilase.
3Gɔmɛɛl mavofodaiti ti ɠɛni ga: Asekeenaze, Lifate, ta Tɔgaalema.
4Yavan mavofodaiti ti ɠɛni ga: Elisa, Taalesise, Kitime, ta Dɔdanime.
5Ti-mavofodaiti kaa, ti zeini ziɛ zaama yooiti su, ta ziɛlaʋɛ yooiti. Ti vazagɛ zooiti su, eɠɛʋelei ta-ʋɛlɛyeɠeiti, ta ti-laawooiti ta ti-ma ziiti ti la.
6Same mavofodaiti ti ɠɛni ga: Kuse, Miselayime, Pute, ta Kanaan.
7Kuse mavofodaiti ti ɠɛni ga: Seɓa, Ɠavila, Saɓeta, Layema, ta Saɓeteeka. Layema mavofodaiti ti ɠɛni ga: Saɓa ta Dedan.
8Kuse Nimelɔde zɔlɔɔni, naa ɠa é ɠɛɛni ga zɛbɛsu nu wola mɔungi zooi ɠa.
9É ɠɛni ga doso wola Ɠɔoɠɔ GALAGI ɠaazu, naa ɠa é ba, a ɗa wo da ga: «Doso wolai Ɠɔoɠɔ GALAGI ɠaazu, eɠɛ Nimelɔde.»
10Ná-masadai ma laa wola mɔungiti ti ɠɛni ga Ɓaɓɛleni ta Elɛke, naa ʋɛɛ Akade ʋa, ta Kalenee, niiti ti Sineyaal yooi zu.
11Naama yooi ʋoluma, Nimelɔde liini Asiili yooi zu, é Ninive laa wolai lo, ta Leɠɔɓɔte-Iil, ta Kala,
12naa ʋɛɛ Leesɛn ʋa, nii é Ninive ta taa wolai Kala ti yɔɠɔzuʋɛ.
13Miselayime mavofodaiti ti ɠɛni ga: Lude nuiti, Aname nuiti, Leɠaɓe nuiti, Nafetu nuiti,
14Pateluse nuiti, Kaselu nuiti, ta Kafetɔɔl nuiti. (Kaselu nui naati ka Filiseti nuiti kulaai ti zu).
15Kanaan ná-doun zunu mɔungi é sɔlɔɔni, naa ɠa é ɠɛni ga Sidɔn, naa ʋolu gelei ɠɛ ga Ɠɛte.
16Kanaan mavofodaiti ti ɠɛni ga: Yeeɓuse nuiti, Amɔɔl nuiti, Giilegase nuiti,
17Ɠeeve nuiti, Aaleke nuiti, Sine nuiti,
18Aalevade nuiti, Semaal nuiti, ta Ɠamate nuiti. Naa ʋoluma Kanaan nuiti ta-ʋɛlɛyeɠeiti ti vazani.
19Kanaan nuiti ta-you ɠwɛgi liini eyɛsu Sidɔn, Geelaal letema ʋelei, eyɛsu é zeeli Gaza, ta Sɔdɔme ʋele, é ʋɛɛ Gɔmɔɔl ʋele ʋa, é li Adema ta Seɓɔyime, eyɛsu é gaaɓela Leesa yooi ma.
20Same mavofodaiti kana, eɠɛʋelei ta-ʋɛlɛyeɠeiti ti la, ta ti-laawooiti, ta ti-ma ziiti ta-yooiti su.
21Sɛme doun zunuiti ɓalaa sɔlɔɔni, toɠa é ɠɛni ga Eɓɛɛl lointi kpein ti-mɛmɛwolai, Zafɛte nɔnɔ liɛi.
22Sɛme mavofodaiti ti ɠɛni ga: Elame, Asuul, Aalepakesade, Lude, ta Alame.
23Alame mavofodaiti ti ɠɛni ga: Use, Ɠule, Geetɛɛl, ta Mase.
24Aalepakesade Seela zɔlɔɔni, ta Seela Eɓɛɛl zɔlɔɔni.
25Eɓɛɛl zunu loun felegɔ zɔlɔɔni: Gilagi laaseigi ɠɛni ga Peelɛge, tɔɔzei ná-siɛgi zu ɠa zooi ɠa nuɓusɛiti zeeɠaaɠwɛɛni la, ta kɛɛɠɛloin laaseigi ɠɛni ga Yɔketan.
26Yɔketan mavofodaiti ti ɠɛni ga: Alemɔdade, Seeleefe, Ɠasaalemavɛte, Yeela,
27Ɠadɔlame, Uzale, Dikela,
28Wɔɓale, Aɓimayɛle, Saɓa,
29Wɔfiil, Ɠavila, ta Yɔɓaɓe. Niima nuiti pɛ ti ɠɛni ga Yɔketan mavofodaiti.
30Ti zeini Meesa ta Sefaal ɠize yooi yɔɠɔzu, nii é folo ɠulazu ʋelei.
31Sɛme mavofodaiti kana, eɠɛʋelei ta-ʋɛlɛyeɠeiti ti la, ta ti-laawooiti, ta ti-ma ziiti ta-yooiti su.
32Nowe ná-doun zunuiti ta-ʋɛlɛyeɠeiti kɛʋeleiti kana, eɠɛʋelei ti-mavofodaiti ti la, ti-ma ziiti saama. Tiya ɠa ziiti kpein kulaai ti zu, ti vazagai eteai zu ziɛve golai leʋega ʋoluma.
