Gesese 10

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Noa ma nanatunayao Sema, Hama eo Iapeta, isidi ede ina; ma nanatudiyao hinage dibori utu’utu wa murina eai se labasidi.

²Iapeta nanatunayao tatao: Gomera, Magoga, Madai, Iavan, Tubala, Meseka eo Tirasa.

³Gomera nanatunayao tatao: Askenasa, Ripata eo Togarama.

⁴Iavan nanatunayao tatao: Elisa, Tarisiso, Kitima, eo Dodanima.

⁵Teina tatao ta aridi eai geregere taumia se tadada. Isi wa Iapeta nanatunayao isibom edi tano eai, eo isibom arinadi eo adi bogao eo edi basileia se tubu.

⁶Hama nanatunayao tatao: Kusa, Aigupito, Puta eo Kanana.

⁷Kusa nanatunayao tatao: Seba, Havila, Sabata, Raama eo Sabeteka. Raama nanatunayao tatao: Siba eo Dedani.

⁸Kusa i hemala Nimoroda tamana; ia taubagubagunana tanoubu eai ta i hemala tau didididigana.

⁹Ia tauailoea saesaena GUIAU matana eai; arinai ede se ribaei si ene, “Doha Nimoroda, tauailoea saesaena GUIAU matana eai.”

¹⁰Ena basileia ena aba‐tubu ede Babela, Ereke, eo Akada eai, gamagaridi Sinara oeana eai.

¹¹Oea eai ne i torohai i lau Asiria, eo Ninive eanuana i hetoro, eo Rehobote‐iro, Kalaha,

¹²eo Reseni Ninive eo Kalaha duaduaridi eai; ia eanua lailaina wa.

¹³Aigupito i hemala Ludim, Anamino, Lehabim, eo Naputuhim tamadi.

¹⁴Eo Paturusim eo Kasuluhim (Pilistia tataodi edi aba‐laoma) eo Kapotorim.

¹⁵Kanana i hemala Sidona tamana, ana taubaguna, eo Heta.

¹⁶Eo Iebusi tataodi, Amore eo Girogaso tataodi.

¹⁷Hiwi tataodi, Areka tataodi, Sini tataodi.

¹⁸Aravadi tataodi, Semara tataodi eo Hamata tataodi. Abotai Kanana ana isimurita se adau se dobi tanoubu hari tupo eai.

¹⁹Kanana tataodi edi tano Sidona eai i tubu i lau e Gerara, ie dobi e lage Gasa, eo Sodoma, Gomara, Adama, Seboima edadi eai i lau e Lahasa eai.

²⁰Teina Hama nanatunayao ede, eo adi bogao, edi arina, edi tano eo edi basileia.

²¹Sema arinai hinage, Ebera nanatunayao tamadi wa, eo Iapeta ana taubaguna, ia arinai merumeru se labasidi.

²²Sema nanatunayao tatao: Elama, Asura, Arepakasa, Luda eo Arama.

²³Arama nanatunayao tatao: Usa, Hula, Getera eo Masaha.

²⁴Arepakasa i hemala Sela tamana; eo Sela i hemala Ebera tamana.

²⁵Ebera arinai tatao labui se labasidi: esau esana Pelege, paana ena mauri asubenadi eai, tanoubu se soiei, eo ena tau esana Ioketana.

²⁶Ioketana nanatunayao Alemodada, Selepi, Hasamaweta, Iera.

²⁷Hadorama, Usala, Dikala,

²⁸Obala, Abimela, Siba.

²⁹Opira, Havila eo Iobaba; gamagaridi ta Ioketana nanatunayao ede.

³⁰Tano arinai se mia wa lohana ede Mesa i lau Separa oea tupidi tupo aruabu eai wa.

³¹Teina Sema ana isimurita, adi bogaoyao, arinadi, edi tano, eo edi basileia.

³²Teina Noa nanatunayao adi bogaoyao ede, ma adi isi edi basileia eai; basileia ta aridi eai se tadada tanoubu tupo gamagari eai, dibori utu’utu wa murina eai.