1Ala phi mayaranacelo aya asaana a Nowee: Seemu, Kaamu, ni Yafeti. Ni ayo yahoyaranaca uvira wawe naphuvu.
2Ala pha asaana a Yafeti: Komeri, Makoki, Mattaayi, Yavani, Tupali, Mesekhi ni Tirasi.
3Ni asaana a Komeri yaari pha ala: Asikenasi, Rafiki ni Tokarima.
4Asaana a Yavani yaari pha ala: Elisa, Tarisisi, Kitimi, ni Tamini.
5Nhina wo yaala, phikhumakhumilyaya atthu ankhalakhala mmaacivirini, akawanacaka ncoko aya nhina wo nuulumo naya, wo khula ntthu nhina wo nihimo neelapo awe.
6Ala phaari asaana a Kaamu: Kuusi, Misirayimi, Fuute ni Kanaa.
7Ala phaari asaana a Kuusi: Sepaa, Havila, Sapita, Ramaa ni Sapiteka. Ala phaari asaana a Ramaa: Sapaa ni Tetaa.
8Kuusi ciicammo ahonnyara Ninroti, nlopwana oopacera ookhomaala cinenne mwiilaponi.
9Ule ari nlupa muulupale wamiithoni wa Mwaneene Nluku, phimaana wiiriyaka: Nlupa toko Ninroti wamiithoni wa Mwaneene Nluku.
10Wiipaceroni umwene awe wamphiya uPapeli, Ereki, Akkate ni Kalineha, ilapo yo Sinari.
11Ukhuma wawe yeela ilapo ela ahorwaa waAsiiriya wantekilyawe Ninive, Riyopoti-Iri, Kalaa
12ni Resemi, inkhala ncoko wo Ninive ni Ukalaa, iparasa yuulupale.
13Misirayimi ahaayara annalutita, annamita, annaleyapita, annafutuwita,
14annapaturusita, annakasuluwita, mwa yaala phikhumelenle annafilisitiya ni annakaftori.
15Kanaa ahonnyara Sitomi, mwana omuulupale, ni Hetee,
16ciicammo toko annayepusi, annamori, annakirkasiti,
17annahiviti, annarkiti, annasiniti,
18annarivati, annasemara ni annahatitha. Wahoolo mahimo o annakanani yahomwaryaca.
19Miinano co Kanaa caakhuma uSitomi, ni carwaa mpaka uKerari, ni camphiya uKaasa ni, ukhuma wonwo, canrwaa mpaka uSotoma, uKomora, uHatamaa ni Sepoyimi ciphiyaka mpaka uLaasa.
20Ala phi mayaranacelo a Kaamu, nhina mahimo aya ni moolumo aya, mmicokoni ni mwiilaponi mwaya.
21Seemu aari nhimaawe Yafeti ni ciicammo ahaayaraca asaana. Ule phaari muulupale a atthu othene oHeperi.
22Ala phaari asaana a Seemu: Elawu, Asuuri, Arifacate, Luuti ni Arami.
23Ala phaari asaana a Arami: Usi, Huli, Kether ni Meseki.
24Arifacate ahonnyara Selah, ni Selah ahonnyara Heperi.
25Heperi ahaayarela asaana eeli: Mmoca uyo eehaninya Peleki, kontha ukati awe ilapo yahokawaninya; ni nhimaawe eehaninya Yokitani.
26Yokitani ahonnyara Almotati, Salefi, Hasaramarvete, Yerah,
27Haturami, Usaali, Tikala,
28Opal, Apimayeli, Sepaa,
29Ofiri, Havilaa ni Yopapi. Ala othene ala yaari asaana a Yokitani.
30Ncoko wakhalacaya uyo weecatala ukhuma uMeesa mpaka uSefari, mmwakoni uri mphantte unkhuma ncuwa.
31Ala phi mayaranacelo a Seemu, nhina mahimo aya ni moolumo aya, mmicokoni ni mwiilaponi mwaya.
32Ala phi mahimo a asaana a Nowee, ookawanaceene mwiilaponi mwaya, toko ciriyaya mayaranacelo aya. Ukhuma wo yaayo, atthu ahomwareela mwiilaponi, uvira wawe naphuvu.
