Semtilbu 10

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Hiche thusim hohi Noahchapate Shem, Ham chule Japheth chilhah thusim chu ahije; twisang let jou chun amaho akon incha tamtah ahung pun be in ahi.

²Japheth chilhah ho chu Gomer, Magog, Madai, Javan, Tubal, Meshech chule Tiras ahiuve.

³Gomer chilhah ho chu Ashkenaz, Riphath chule Togarmah ahiuve.

⁴Javan chilhah ho chu Elishah, Kittim, chule Rodanim ahiuve.

⁵Hiche apat chun amaho chilhahchengse chu leiset ahin touphapan tauvin ama ama hithei na lehaphung achang a kaidol cheh inama nam hina dol cheh in achengtauvin ahi.

⁶Ham chilhah ho chu Cush, Mizraim, Put, chule Canaan ahiuve.

⁷Cush chilhah ho chu Seba, Havilah, Sabtah, Raamah, chule Sabteca ahiuve: Chule Raamah Chapate chu Sheba leh Dedanahilhon e.

⁸Cush kitipa hin leiset chungamihat a hung pang masapen Nimrodchu ahing’in ahi.

⁹Hiche phatlaiya chu vannoiyagamlen hat sakap them pen ahunghin, chule Pathen ging tah mi jongana hi’e, hijeh chun mihon Nimrodbanga gamlen hat sakapthem penahi tin asei uve.

¹⁰Hichun Cush chun alenggam chu Babylon khopi sunga Babylonia tinahin semdoh’in, hiche khopi ho chu Erech, Akkad, chule Calneh ahiuve.

¹¹Aman hiche akon chun Assyriaajon in hikom a chun Nineveh khopiaphut doh in, aban a Rehoboth, khopi ahin Calah khopi jong ahinphut doh kit e.

¹²Chu ban chun Nineveh le Calahkhopi teni kikah a chun Resenkhopi aphut doh in khopi lentah ahi.

¹³Mizraim chu Ludites, Anamites, Naphuhites chule Lehabites;

¹⁴Pathrusim ho, Casluhim ho, chule Caphtorim ho a kon a chu Philistine te hung kon dohna chu ahi.

¹⁵Canaan chapa tahpen chu Sidon, Sidon chilhah te hung kon dohnaho chu ahiuvin; chule Hit chilhahho jong Canaan akon ahiuve.

¹⁶Jebus ho, Amor ho, Girgash ho ahin,

¹⁷Hivi teho, Arki ho, Sin ho ahin,

¹⁸Arvad ho, Zemar ho, chule Hamath ho jouse hi ama hinsa chehahiuve, ahin khonung in Canaaninsung kon mite chu gamtin aakithe cheh soh kei uvin ahi.

¹⁹Hiche apat chun Canaan gamgichu Sidon apat Gerar lang jonin Gaza gei jin, aki lhung lut peh in, Sodom lang jon in aki lhung in, Gomorrah aphan, Admah ahinphan, chule Zeboiim ahop in Lashagei jin a kilhung lut peh-e.

²⁰Amaho cheng hi Ham chilhah hoahi uvin, ama ama insung dungjuileh, apao dung jui leh, agam dungjui chuleh ajat dung jui uva ahiye.

²¹Shem chate pasal ho jouseapunbe in ama chu Japheth upaahin, Ebel chilhah ho jouse hi Shem’a kona hung kon doh cheh ahiuve.

²²Shem chilhah ho chu ahile Elam, Asshur, Arphaxed, Lud chule Aram ahiuve.

²³Aram chilhah ho chu ahile Uz, Hul, Gether, chule Mash ahiuve.

²⁴Arphaxad chu Shelah pa ahin, chule Shelah chu Ebel pa ahiye.

²⁵Ebel chun cha ni aneiyin amasapa chu Peleg (Hichu kisuh khennatina ahi) ahi, Ijeh inem itile amaphatlai a chu vannoi chu amaama paotho doh dungjuiya ahungumdoh laitah chu ahi, chule asopipa min chu Joktan ahi.

²⁶Joktan chapa chu Almodad ahin, Sheleph ahin, Hazarmaveth ahin, Jerah ahin,

²⁷Hadoram ahin, Uzal ahin, Diklah ahin,

²⁸Obal ahin, Abimael ahin, Sheba ahin,

²⁹Ophir ahin, Havilah ahin chule Jobab ahiuve. Amaho chengse hin Joktan chilhah cheh ahi uve.

³⁰Ama hon gam ki-vaipohna atoupha u-chu Mesha apat b’in Sephar lang jon in ahung kilhung in, nisolam’a thinglhang gamsung geiyin ahung kilhunglut peh-in ahi.

³¹Amaho jouse hi Shem chilhah ahi uvin, a phungle achang, a pao tho ho’u dung jui le, agam dung jui le, ajat dungjui uva Shem chilhah te ahi uve.

³²Hiche phungle chang hung kimin phahse hi, Noah chate a kon’a chi le nam hung kisem doh ama gui penna dung juija vannoija nam jouse hi hiche phungpi a kon’a twisanglet jouva patna hung um doh ahi.