Lii Lolo dhu Uru Tèka 10

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Èle èi aae, ka ana-ana Noh abhu ana-èpu. Nuka ana-èpu nèti Sem, Yafet, dènge Ham.

²Ana-èpu Yafet, nuka: Gomer, Magog, Madai, Yawan, Tubal, Mesek dènge Tiras. Èci-èci ka dènge lii, suku, aa dènge rai ra. Ana-èpu Gomer, ka: Askenas, Rifat dènge Togarma. Ana-èpu Yawan, ka: Elisa, Tarsis, dhèu Kitim, dènge dhèu Dodanim dhu pea ètu sebhe dhasi.

⁶Ana-èpu Ham, ka: Kus, Misraim, Put, dènge Kanaꞌan.

⁷Ana-èpu Kus, ka: Seba, Hawila, Sabta, Raema dènge Sabteka. Ana-èpu Raema, ka: Syeba dènge Dedan.

⁸Ana mone Kus, ka, Nimrod. Nèngu ne, kapala musu dhu uru tèka, aa èra.

⁹Aꞌèra na mai nèti LAMATUA, aa nèngu kahèi jꞌajꞌi dhèu dhu èra bia magèla badha. Nèti èèna ka, dhèu biasa peka na, “Sèna ka èu more dhèu dhu èra bia magèla badha, sèmi Nimrod, dhu abhu aꞌèra nèti LAMATUA.”

¹⁰Era na, mulai uru nèti rae Babel, Erek Akad, toke Kalne. Rae se aaꞌi-aaꞌi ra, ètu rai Sinear.

¹¹Nèti era sèra, na nare hari Asyur. Ka na patitu kota Niniwe, Rehobot-Ir, Kala,

¹²dènge Resen, ètu talora aae Niniwe dènge Kala. Aaꞌi-aaꞌi sèra, kota-kota kapai hua.

¹³Ana-èpu Misraim, ka: dhèu Ludim, dhèu Ananim, dhèu Lehabim, dhèu Naftuhim,

¹⁴dhèu Patrusim, dhèu Kasluhim, dènge dhèu Kaftorim. Dhèu Kasluhim nuka bèi-baki nèti dhèu Pilistin.

¹⁵Ana uuru Kanaꞌan, nuka, Sidon. Kanaꞌan jꞌajꞌi bèi-baki nèti dhèu Het,

¹⁶dhèu Yebusi, dhèu Amori, dhèu Girgasi,

¹⁷dhèu Hiwi, dhèu Arki, dhèu Sini,

¹⁸dhèu Arwadi, dhèu Semari, dènge dhèu Hamati. Ana-èpu Kanaꞌan se, pea palème dꞌai era dhu kajꞌèu,

¹⁹toke too rai rèngu mulai nèti Sidon taruu asa Gerar, dꞌai Gasa. Nèti èèna, laꞌe dꞌai Sodom, Gomora, Adma dènge Seboim, dꞌai kota Lasa.

²⁰Rèngu aaꞌi-aaꞌi sèra, ana-èpu Ham. Èci-èci dènge lii, suku, aa dènge rai ra.

²¹Sem, aꞌa Yafet, nèngu ka jꞌajꞌi bèi-baki dhèu Eber.

²²Ana-èpu Sem, ka: Elam, Asyur, Arpaksad, Lud dènge Aram.

²³Ana-èpu Aram ka: dhèu Us, dhèu Hul, dhèu Geter, dènge dhèu Mas.

²⁴Ana Arpaksad ka, Sela. Ana Sela ka, Eber.

²⁵Ana Eber, mone dhèu dua. Ana uuru, ngara na Pelek (dhu sasoa na ‘palème era’), lula taa èèna dhèu pea palème ètu rai-haha ne. Ngara ari na, Yoktan.

²⁶Ana-èpu Yoktan, ka: Almodad, Selef, Hasar-Mawet, Yera,

²⁷Hadoram, Usal, Dikla,

²⁸Obal, Abimael, Syeba,

²⁹Ofir, Hawila, dènge Yobab. Rèngu aaꞌi-aaꞌi se, ana-èpu Yoktan.

³⁰Era pea rèngu, mulai nèti Mesa, taruu dꞌai Sefar, nuka era dhu kabhuku re sebhe dhimu.

³¹Rèngu aaꞌi-aaꞌi se, ana-èpu Sem. Èci-èci ka dènge lii, suku, aa dènge rai ra.

³²Aaꞌi-aaꞌi se, ana-èpu Noh, èci-èci ka dènge suku ra. Ropa èi aae lala èle, rèngu seꞌe ka pea papènu lème rai-haha ne.