IOSUA 14:9-15

⁹Unai dina dekenai Mose ia gwauhamata, ia gwau, ‘Momokani, oiemu aena dekenai oi raka bona oi moia vadaeni tano be oiemu tano do ia lao, oiemu, bona oiemu bese taudia edia, ela bona hanaihanai, badina be Lohiabada, oiemu Dirava oi badinaia mai oiemu kudouna ibounai.’

¹⁰“To harihari oi itaia, Lohiabada be unai bamona Mose dekenai ia hereva ia mai bona hari be lagani 45. Unai be Israela ese tano kaukau idia raka hanaia neganai, bona Lohiabada ese lau ia hamauria noho ia mai bona hari, iena gwauhamata hegeregerena. Oi itaia, harihari egu mauri lagani be 85.

¹¹Bona hari dina dekenai egu goada be do noho, Mose ese lau ia siaia dinana hegeregerena. Tuari totona bona kara ibounai totona lauegu goada do noho.

¹²Unai dainai unai ororo tano, unai dina dekenai Lohiabada ese lau dekenai ia gwauhamata tano, be harihari lau dekenai do oi henia. Unai dina dekenai, oi ese sivarai oi kamonai Anakima taudia be unuseni, oi kamonai danu, edia hanua be bada bona mai edia magu. To lau laloa Lohiabada ese lau do ia durua, bona lau ese idia do lau lulua ore, Lohiabada ese ia hereva vadaeni hegeregerena.”

¹³Vadaeni Iosua ese Kaleba ia hanamoa, ia ese Heberona tano be ia dekenai ia henia, iena tano korikori.

¹⁴Unai dainai Heberona be Kaleba Iepune, Kenisi tauna, ena tano, ia mai bona harihari, badina be ia ese Lohiabada, Israela ena Dirava ia badinaia, mai ena kudouna ibounai.

¹⁵Inai Heberona ena ladana gunana be Kiriata Araba. Unai Araba be Anakima besena edia tau namo herea. Unai neganai tuari ia doko, bona tano be ia laga-ani.