IOSUA 14:9-15

⁹Una dina ai Mose e gwau hamata, eto, Momokani, oi aemu vada e moia tao tanona na emu tano ai bainela, oiemu bona oi garamu edia, ela bona hanaihanai, badina be Iehova, emu Dirava, vada o badinaia tarika-tarika.

¹⁰Harihari a itagu, Iehova ese vada e hamaurigu, ena hereva heḡereḡerena, ini laḡani hari-ahui ima lalodiai, Israel dounu tano ḡaḡaena ai e laolaova ai na Iehova ese ina hereva Mose e hamaorolaia dinana amo ema bona hari; harihari egu mauri laḡanidia na taurahani-ahui ima.

¹¹Hari dina ai egu goada na doini mia, Mose ese e siaigu dinana ai heḡereḡerena; tuari ai eiava lao mai ai egu goada na heḡereḡere, unu dina ai bona hari ina dina ai danu.

¹²Taunabunai, ina ororo tanona una dina ai Iehova ese e herevalaia na harihari ba henigu. Badina be una dina ai harina o kamonai Anakim taudia na unuseni ai, o kamonai danu edia hanua na babada bona mai maḡudia. Reana Iehova ese baine bamogu, bena baina luludia lasi, Iehova ena hereva hegereḡerena.

¹³Bena Iosua ese e hanamoa, Heberon tanona na Kaleb lefune e henia, ena tano korikori ai bainela.

¹⁴Taunabunai Heberon na Kaleb lefune, Kenisi tauna, ena tano, ema bona harihari, badina be ia ese Iehova, Israel Diravana, e badinaia tarika-tarika.

¹⁵Hari Heberon ladana gunana na Kiriat-araba. Una Araba na herea tauna Anakim besena ai. Una negana ai tuari e doko, bona tano na e laḡa ani.