يٌسُوٍ 14:9-15

⁹نَ كُي عَننَبِ مُنسَ نَشَ لَايِدِ تٌنفٌ ﭑ بّ يِ كِ، ‹عِ عِ حّرّشِ بْشِ نَشَن مَ، نَ قِندِ مَ نّ عِ تَن نُن عِ شَ دِيٍ كّ رَ تّمُي بِرِن، بَرِ مَ عِ بَرَ بِرَ ﭑ مَرِفِ عَلَتَلَ شُي قْشْ رَ عَ كِ مَ.›»

¹⁰«حّ تٌنفٌ نَانِ نُن سُولِ بَرَ دَنفِ كَبِ عَلَتَلَ نَشَ نَ مَسٍن عَننَبِ مُنسَ بّ، وٌن نُ نَ فبٍنفبٍرٍنيِ مَ تّمُي نَشّ. عَلَتَلَ بَرَ ﭑ مَ سِمَيَ رَ سِفَ هَن حّ تٌنفٌ سٌلٌمَسَشَن عَ نُن سُولِ.

¹¹تٌ، ﭑ سّنبّ مَن لُشِ عَلْ عَننَبِ مُنسَ ﭑ شّيشِ تّمُي نَشّ. ﭑ نْمَ فٍرٍ سٌدٍ يِ وَشَتِ عَلْ ﭑ نَ رَبَ كِ نَشّ عَ سِنفٍ رَ.

¹²عَوَ، عِ شَ يِ فٍيَ بْشِ قِ ﭑ مَ عَلْ عَلَتَلَ لَايِدِ تٌنفٌ ﭑ بّ كِ نَشّ نَ لْشْي. نَ لْشْي عِ نُ عَ كٌلٌن عَنَكِ بْنسْي نَ مّننِ، عٍ شَ تَا شُنفبٍ مَكَنتَشِ عَ قَنيِ رَ. عَلَتَلَ فبَنسَن شَ لُ ﭑ سّيتِ مَ. نَ كُي ﭑ نْمَ عٍ كٍرِدٍ عَلْ عَلَتَلَ عَ مَسٍن كِ نَشّ.»

¹³يٌسُوٍ نَشَ دُبَ يٍقُنٍ شَ دِ كَلٍبِ بّ، عَ شٍبِرٌن شَ قِ عَ مَ كّ رَ.

¹⁴نَ تَا نَ عَ شَ دِيٍ بّلّشّ هَن تٌ، بَرِ مَ يٍقُنٍ كٍنِسِكَ شَ دِ كَلٍبِ بِرَ عِسِرَيِلَ مَرِفِ عَلَتَلَ نَن قْشْ رَ.

¹⁵كَبِ نَ تّمُي بْحّسَ نَشَ لُ نَ بْشِ مَ، فٍرٍ يٌ مُ نُ نَ سْنْن. سِنفٍ شٍبِرٌن شِلِ نُ قَلَمَ نّ كِرِيَتِ عَرَبَ، بَرِ مَ عَرَبَ نَن نُ قِندِشِ عَنَكِ مِشِيٍ شَ كُنتِفِ رَ.