Esirasi 2

1

2

3

4

5

6

7

8

9

10

¹Babilɔn mangan Nebukadanesari bata yi Yuda yamanan muxun naxanye suxu, a siga ne ra Babilɔn yi, e mɔn yi xɛtɛ e taane yi Yerusalɛn nun Yuda yi, ne nan itoe ra

²naxanye xɛtɛ e nun Sorobabeli: Yosuwe nun Neyemi nun Seraya nun Relaya nun Marodoke nun Bilisan nun Misipari nun Bigiwayi nun Rexun e nun Banaha. Isirayila yamaan yatɛn nan itoe ra, xɛmɛne gbansan:

³Parosi xabilana: Muxu wuli firin kɛmɛ tonge solofere e nun firin,

⁴Sɛfati xabilana: Muxu kɛmɛ saxan tonge solofere e nun firin,

⁵Ara xabilana: Muxu kɛmɛ solofere tonge solofere e nun suulun,

⁶Yosuwe nun Yowaba yixɛtɛne Paxata-Moyaba xabilani: Muxu wuli firin kɛmɛ solomasɛxɛ fu nun firin,

⁷Elan xabilana: Muxu wuli keden kɛmɛ firin tonge suulun e nun naanin,

⁸Satu xabilana: Muxu kɛmɛ solomanaanin tonge naanin e nun suulun,

⁹Sakayi xabilana: Muxu kɛmɛ solofere tonge sennin,

¹⁰Bani xabilana: Muxu kɛmɛ sennin tonge naanin e nun firin,

¹¹Bebayi xabilana: Muxu kɛmɛ sennin mɔxɔɲɛn nun saxan

¹²Asagada xabilana: Muxu wuli keden kɛmɛ firin mɔxɔɲɛn nun firin,

¹³Adonikami xabilana: Muxu kɛmɛ sennin tonge sennin e nun sennin,

¹⁴Bigiwayi xabilana: Muxu wuli firin tonge suulun e nun sennin,

¹⁵Adin xabilana: Muxu kɛmɛ naanin tonge suulun e nun naanin,

¹⁶Xesekiya yixɛtɛne Ateri xabilani: Muxu tonge solomanaanin e nun solomasɛxɛ,

¹⁷Besayi xabilana: Muxu kɛmɛ saxan mɔxɔɲɛn nun saxan,

¹⁸Yora xabilana: Muxu kɛmɛ fu nun firin,

¹⁹Xasun xabilana: Muxu kɛmɛ firin mɔxɔɲɛn nun saxan,

²⁰Gibari xabilana: Muxu tonge solomanaanin e nun suulun,

²¹Bɛtɛlɛmi taan muxune: Muxu kɛmɛ mɔxɔɲɛn nun saxan,

²²Netofa taan muxune: Muxu tonge suulun e nun sennin,

²³Anatɔti taan muxune: Muxu kɛmɛ mɔxɔɲɛn nun saxan,

²⁴Asamawɛti taan muxune: Muxu tonge naanin e nun firin,

²⁵Kiriyati-Yeyarin taan muxune nun Kefira kaane nun Beroti kaane: Muxu kɛmɛ solofere tonge naanin e nun saxan,

²⁶Rama nun Geba taane muxune: Muxu kɛmɛ sennin mɔxɔɲɛn nun keden,

²⁷Mikimasi taan muxune: Muxu kɛmɛ mɔxɔɲɛn nun firin,

²⁸Betɛli nun Ayi taane muxune: Muxu kɛmɛ firin mɔxɔɲɛn nun saxan,

²⁹Nebo taan muxune: Muxu tonge suulun e nun firin,

³⁰Magbiki taan muxune: Muxu kɛmɛ tonge suulun e nun sennin,

³¹Elan bonna xabilana: Muxu wuli keden kɛmɛ firin tonge suulun e nun naanin,

³²Xarimi xabilana: Muxu kɛmɛ saxan mɔxɔɲɛ,

³³Lodi nun Xadidi nun Ono taane muxune: Muxu kɛmɛ solofere mɔxɔɲɛn nun suulun,

³⁴Yeriko taan muxune: Muxu kɛmɛ saxan tonge naanin e nun suulun,

³⁵Sena taan muxune: Muxu wuli saxan kɛmɛ sennin tonge saxan,

³⁶Saraxaraline: Yosuwe yixɛtɛne Yɛdaya xabilani: Muxu kɛmɛ solomanaanin tonge solofere e nun saxan,

³⁷Imeri xabilana: Muxu wuli keden tonge suulun e nun firin,

³⁸Pasaxuri xabilana: Muxu wuli keden kɛmɛ firin tonge naanin e nun solofere,

³⁹Xarimi xabilana: Muxu wuli keden fu nun solofere.

⁴⁰Lewi bɔnsɔnna muxune: Yosuwe xabilan nun Hodafiya yixɛtɛne Kadamile xabilani: Muxu tonge solofere e nun naanin.

⁴¹Bɛti baane: Asafi xabilani: Muxu kɛmɛ mɔxɔɲɛn nun solomasɛxɛ.

⁴²Kantan muxune Ala Batu Banxini: Salun xabilan nun Ateri xabilan nun Talamɔn xabilan nun Akubu xabilan nun Xatita xabilan nun Sobayi xabilana, e birin malanxina: Muxu kɛmɛ tonge saxan e nun solomanaanin.

⁴³Ala Batu Banxin walikɛne xabila yɛɛn ma: Sixa nun Xasufa nun Tabayoti nun

⁴⁴Kerosi nun Siyaha nun Padon nun

⁴⁵Lebana nun Xagaba nun Akubu nun

⁴⁶Xagabi nun Sanlayi nun Xanan nun

⁴⁷Gideli nun Gaxara nun Reyaya nun

⁴⁸Resin nun Nekoda nun Gasami nun

⁴⁹Yusa nun Paseya nun Besayi nun

⁵⁰Asana nun Meyunin nun Nefusin nun

⁵¹Bakabuku nun Xakufa nun Xaraxuru nun

⁵²Basaliti nun Mexida nun Xarasa nun

⁵³Barakosi nun Sisera nun Tama nun

⁵⁴Nesixa e nun Xatifa.

⁵⁵Sulemani a walikɛne xabilane yi: Sotayi yixɛtɛne nun Sofereti yixɛtɛne nun Peruda yixɛtɛne nun

⁵⁶Yaala yixɛtɛne nun Darakon yixɛtɛne nun Gideli yixɛtɛne nun

⁵⁷Sɛfati yixɛtɛne nun Xatili yixɛtɛne nun Pokereti-Hasebayin yixɛtɛne nun Ami yixɛtɛne.

⁵⁸Ala Batu Banxin walikɛne nun Sulemani a walikɛne yixɛtɛne malanxina: Muxu kɛmɛ saxan tonge solomanaanin e nun firin.

⁵⁹Muxu suxine nan itoe ra naxanye fa sa keli Tela-Mela nun Tela-Harasa nun Kerubu-Adan nun Imeri taane yi naxanye mi nɔɛ a yitɛ a e denbayane nun e xabilane kelixi Isirayila nin:

⁶⁰Dɛlaya xabilan nun Tobiya xabilan nun Nekoda xabilan yɛ: Muxu kɛmɛ sennin muxu tonge suulun e nun firin.

⁶¹Saraxaraline yɛ: Xobaya yixɛtɛne nun Hakɔsi yixɛtɛne nun Barasilayi yixɛtɛne fan yi na kii nin. E yi xɛmɛni ito xili bama Barasilayi bayo a bata yi Galadi kaan Barasilayi a dii tɛmɛna nde futu.

⁶²E yi e benbane taruxu kɛdin fen, koni e mi a to. E yi e ba saraxaraliyani, e yi e yatɛ sariɲantarene ra.

⁶³Yamana kanna yi e yamari a e nama se sariɲanxine don han saraxaralina nde yi sɔtɔ naxan masɛnsɛnna tiyɛ Yurima nun Tumin na.

⁶⁴Yamaan birin malanxina muxu wuli tonge naanin e nun firin kɛmɛ saxan tonge sennin,

⁶⁵e walikɛ xɛmɛne nun e walikɛ ɲaxanle mi yi ne yɛ, naxanye xasabin yi lanxi muxu wuli solofere kɛmɛ saxan tonge saxan e nun solofere ma. Bɛti ba xɛmɛne nun ɲaxanle muxu wuli firin fan mi yi ne yɛ.

⁶⁶So kɛmɛ solofere tonge saxan e nun sennin nun gbaxalo kɛmɛ firin tonge naanin e nun suulun fan yi e yii e nun

⁶⁷ɲɔgɔmɛ kɛmɛ naanin tonge saxan e nun suulun nun sofali wuli sennin kɛmɛ solofere mɔxɔɲɛ.

⁶⁸Denbaya xunna muxu wuyaxi, e to Alatala Batu Banxin li Yerusalɛn yi, e yi ɲɛnige ma saraxane ba Ala Batu Banxin ti feen na alogo a mɔn xa ti a tideni.

⁶⁹E yi e nafunla ba wanla fe yi lan e fɛrɛn xasabin ma, e birin malanxina xɛmaan gbanan wuli tonge sennin wuli keden e nun wure gbeti fixɛn kilo wuli firin kɛmɛ suulun, e nun saraxarali domaan kɛmɛ.

⁷⁰Saraxaraline nun Lewi bɔnsɔnna muxune nun yamanan muxune nun bɛti baane nun kantan tiine nun Ala Batu Banxin walikɛne yi dɔxɔ e taane yi, Isirayila kaane birin fan yi e taane yi.