Ezra 2

1

2

3

4

5

6

7

8

9

10

¹Dagitoy dagiti tattao iti probinsia a nakaruk-at iti pannakaibalud kadakuada ni Ari Nebucadnesar a nangipan kadakuada a kas balud idiay Babilonia, dagiti tattao a nagsubli kadagiti tunggal siudadda iti Jerusalem ken iti Judea.

²Kaduada a nagsubli da Zerubbabel, Jesua, Nehemias, Seraias, Reelaias, Mardokeo, Bilsan, Mispar, Bigvai, Rehum ken Baana. Daytoy ti listaan dagiti lallaki manipud kadagiti tattao ti Israel.

³Dagiti kaputotan ni Paros: 2, 172.

⁴Dagiti kaputotan ni Safatias: 372.

⁵Dagiti kaputotan ni Aras: 775.

⁶Dagiti kaputotan ni Pahat Moab, babaen kenni Jesua ken Joab: 2, 812.

⁷Dagiti kaputotan ni Elam: 1, 254.

⁸Dagiti kaputotan ni Zattu: 945.

⁹Dagiti kaputotan ni Zaccai: 760.

¹⁰Dagiti kaputotan ni Bani: 642.

¹¹Dagiti kaputotan ni Bebai: 623.

¹²Dagiti kaputotan ni Azgad: 1, 222.

¹³Dagiti kaputotan ni Adonikam: 666.

¹⁴Dagiti kaputotan ni Bigvai: 2, 056.

¹⁵Dagiti kaputotan ni Adin: 454.

¹⁶Dagiti tattao ni Ater babaen kenni Hezekias: siam a pulo ket walo.

¹⁷Dagiti kaputotan ni Bezai: 323.

¹⁸Dagiti kaputotan ni Jora: 112.

¹⁹Dagiti tattao ni Hasum: 223.

²⁰Dagiti tattao ni Gibbar: siam a pulo ket lima.

²¹Dagiti tattao ti Betlehem: 123.

²²Dagiti tattao ti Netofa: lima pulo ket innem.

²³Dagiti tattao ti Anatot: 128.

²⁴Dagiti tattao ti Asmavet: uppat a pulo ket dua.

²⁵Dagiti tattao ti Kiriat Jearim, Kefira ken Beerot: 743.

²⁶Dagiti tattao ti Rama ken Geba: 621.

²⁷Dagiti tattao ti Micmas: 122.

²⁸Dagiti tattao ti Betel ken Ai: 223.

²⁹Dagiti tattao ti Nebo: lima pulo ket dua.

³⁰Dagiti tattao ti Magbis: 156.

³¹Dagiti tattao ti sabali nga Elam: 1, 254.

³²Dagiti tattao ti Harim: 320.

³³Dagiti tattao ti Lod, Hadid, ken Ono: 725.

³⁴Dagiti tattao ti Jerico: 345.

³⁵Dagiti tattao ti Senaa: 3, 630.

³⁶Dagiti papadi: Dagiti kaputotan ni Jedaias iti balay ni Jesua: 973.

³⁷Dagiti kaputotan ni Immer: 1, 052.

³⁸Dagiti kaputotan ni Pasur: 1, 247.

³⁹Dagiti kaputotan ni Harim: 1, 017.

⁴⁰Dagiti Levita: Dagiti kaputotan da Jesua ken Kadmiel, a kaputotan ni Hodavias: pitopulo ket uppat.

⁴¹Dagiti kumakanta iti templo: Dagiti kaputotan ni Asaf: 128.

⁴²Dagiti kaputotan dagiti agbanbantay iti ruangan: Dagiti kaputotan da Salum, Ater, Talmon, Akkub, Hatita, ken Sobai: 139 amin.

⁴³Dagidiay naisaad nga agserbi iti templo: Dagiti kaputotan da Siha, Hasufa, Tabaot,

⁴⁴Keros, Siaha, Padon,

⁴⁵Lebana, Hagaba, Akkub,

⁴⁶Hagab, Samlai ken Hanan;

⁴⁷dagiti kaputotan da Giddel, Gahar, Reayas,

⁴⁸Resin, Necoda, Gazzam,

⁴⁹Uzza, Pasea, Besai,

⁵⁰Asna, Meumin ken Nefisim;

⁵¹dagiti kaputotan da Bakbuk, Hakufa, Harhur,

⁵²Baslut, Mehida, Harsa,

⁵³Barkos, Sisera, Tema,

⁵⁴Nesias ken Hatifa.

⁵⁵Dagiti kaputotan dagiti adipen ni Solomon: Dagiti kaputotan da Sotai, Hasoferet, Peruda,

⁵⁶Jaala, Darkon, Giddel,

⁵⁷Sefatias, Hattil, Pokeret Hazzebaim, ken Ami.

⁵⁸Agdagup iti 392 amin a kaputotan dagiti naisaad nga agserbi iti templo ken dagiti kaputotan dagiti adipen ni Solomon.

⁵⁹Dagidiay pimmanaw manipud Tel Mela, Tel Harsa, Kerub, Addan ken Immer—ngem saanda a mapaneknekan a nagtaud iti Israel ti kapuonanda—agraman

⁶⁰dagiti 652 a kaputotan da Delaias, Tobias ken Necoda.

⁶¹Ket kadagiti kaputotan dagiti papadi: Dagiti kaputotan da Habaias, Hakkoz, ken Barzillai (a nakiasawa kadagiti babbai a kaputotan ni Barzillai a Galaadita ket naawagan babaen kadagiti naganda)

⁶²Pinadasda a biruken ti listaan ti nagtaudanda a kapuonan, ngem saanda a nabirukan gapu ta rinugitanda ti kinapadida.

⁶³Isu a kinuna ti gobernador kadakuada a saanda a mangan kadagiti aniaman a nasantoan a daton agingga a palubosan ida ti maysa a padi nga addaan iti Urim ken Tummim.

⁶⁴Agdagup iti 42, 360 ti bilang ti entero a bunggoy,

⁶⁵saan a karaman dagiti adipenda ken dagiti adipenda a babbai (agdagup dagitoy iti 7, 337) ken dagiti lallaki ken babbai a kumakanta iti templo (dua gasut).

⁶⁶Dagiti kabalioda: 736. Dagiti muloda: 245.

⁶⁷Dagiti kamelioda: 435. Dagiti asnoda: 6, 720.

⁶⁸Idi napanda iti balay ni Yahweh idiay Jerusalem, nangted dagiti papanguloen ti pamilia iti nagtaud iti kaunggan a sagsagut tapno mausar iti pannakaibangon ti balay.

⁶⁹Nangtedda segun iti kabaelanda nga ited a mausar iti trabaho: 61, 000 a daric ti balitok, lima ribo a minas ti pirak, ken sangagasut a pagan-anay para kadagiti padi.

⁷⁰Isu a dagiti papadi ken dagiti Levita, dagiti tattao, dagiti kumakanta iti templo ken dagiti mangbanbantay kadagiti ruangan, ken dagiti nadutokan nga agserbi iti templo ket nagnaedda kadagiti siudadda. Dagiti amin a tattao iti Israel ket adda kadagiti siudadda.