DEUTERONOMI 21:10-17

¹⁰Inaimui ba tuari henidia negana ai, Iehova, emui Dirava, ese imamui ai baine atodia kau, bena bavabidia mauri.

¹¹Una negana ai, hane namo ta abi-mauri taudia bogaragidiai boma itaia, bena boma ura henia, benaboma abia adavamu,

¹²vada ba laohaia emu ruma. Ia na kwarana baine naua bona kahauna baine utu,

¹³bona ena abi-mauri toana dabuadia baine doki oho, bena emu ruma ai baine noho, tamana sinana taidia baine tai ela bona hua ta baine ore. Una murinai ba raka vareai ia dekenai, bona bavadavaia; ia na oi adavamu ai bainela.

¹⁴A gabeamo basioma ura henia, vada ba kahua nege; basio hoia moni davana, bona emu hesiai hahinena ai basio halaoa, badina be vada o hahemaraia.

¹⁵Tau ta adavana bema rarua, ta bema ura henia, ma ta bema inai henia; bena natuna na hahine raruosi, e ura heniamu hahinena bona e inai heniamu hahinena, edia amo bema abidia, a roboana na e inai heniamu hahinena ena amo,

¹⁶ena kohu baine haria natuna ahudia baine henidia dinana ai, ia na e ura heniamu hahinena natuna na dihina ai basine halaoa, roboana korikori, e inai heniamu hahinena natuna, gabuna basine abia.

¹⁷A natuna roboana, e inai heniamu hahinena ena amo e havaraia, na baine hahedinaraia ahu rua ihenina ai, badina be ia na ena goada roboana; una dainai roboa ahuna be ena.