Tuteronomi 21:10-17

¹⁰“Iwe, a tongeni fis pwe ka feila maun ngeni chon oputom, nge ewe Samol mi Lapalap a atolongeer lepoum pwe kopwe liapeniir.

¹¹Are ka küna me lein ekewe chon oola eman fefin mi liöch pwe ka sani o mochen angei pwe pwülüom,

¹²kopwe emwenala neminewe lon imwom. Iwe, ewe fefin epwe reipöpöla möküran o fichiela ükkün,

¹³epwe pwal pwilitawu üfan a üföüf lupwen an oola o nonom lon imwom, pwe epwe kechüeiti saman me inan lon ükükün eu maram. Mürin ka tongeni pwülüeni, nge i epwe pwülüom.

¹⁴Nge are a fis pwe kosap chüen sani me mürin, kopwe mwüt ngeni pwe epwe feila ia a mochen feila ie. Nge kosap amömöla neminewe ren moni, kosap pwal föri ngeni usun mine ka föri ngeni eman amanau, pun ka fen kon ren.”

¹⁵“Iwe, are eman mwän a pwülüeni ruoman fefin, eman a tongei, nge eman esap sani, mürin ir me ruoman ra nöünöü me won. Nge are neminewe ewe mwän esap sani a nöüni ewe mwänichi,

¹⁶mürin, lupwen epwe ineti wöün ngeni nöün kewe mwän, esap tongeni ngeni ätewe nöün neminewe a tongei ewe wisen mwänichi, nge epwe ngeni ätewe nöün neminewe esap sani, pun i wesewesen mwänichi.

¹⁷Iwe, epwe föri pwüngün inetin mwänichi ngeni ewe mwänichi nöün neminewe esap sani ren an epwe ngeni ruu inetin seni meinisin mine a eäni. Pokiten i aemanün nöün lon an pöchökül, iei mine ewe wisen mwänichi an.”