مَسٍنيِ دْنشْي 21:10-17

¹⁰وٌ نَ سِفَ وٌ يَشُييٍ فٍرٍدٍ، شَ وٌ مَرِفِ عَلَتَلَ عٍ رَيَرَبِ وٌ بّ، وٌ عٍ قِندِ وٌ شَ فٍيلِمَنِيٍ رَ،

¹¹تّمُندٍ مِشِ ندٍ يَ قَمَ نّ سِندٍ فٍيلِمَنِ فِنّ تٌقَنيِ ندٍ مَ. شَ نَ كَنيِ وَ مَ عَ دْشْقٍ نّ،

¹²عَ نْمَ عَ شَنِندٍ عَ شْنيِ. نَ فِنّ شَ عَ يّتّ شُنيِ بِ، عَ عَ بّلّشّ شَلٍ مَشَبَ،

¹³عَ دُفِ قَنيِ رَفٌرٌ عَ مَ. عَ شَ سَبَتِ عَ شَ مْرِ شْنيِ، عَ قَ عَ بَبَ نُن عَ نفَ شَ حْنقٍ رَبَ كِكٍ كٍرٍن بُن مَ. نَ دَنفِ شَنبِ شّمّ نْمَ عَ قِندِدٍ عَ شَ فِنّ رَ.

¹⁴شَ عَ سَ لِ عَ شَ قٍ نَشَ رَحَاشُ عَ مَ، عَ نْمَ عَ بّحِندٍ عَ شَ سِفَ عَ وَشْندٍ، كْنْ عَ مُ لَنمَ عَ شَ عَ مَتِ كْبِرِ رَ، عَ مُ لَنمَ عَ شَ قِندِ عَ شَ كٌنيِ رَ، بَرِ مَ عَ نُ بَرَ قِندِ عَ شَ فِنّ رَ.

¹⁵شَ عَ سَ لِ فِنّ قِرِن نَ شّمّ ندٍ يِ رَ، كٍرٍن قَ رَقَن عَ مَ دَنفِ بٌورٍ رَ، كْنْ عٍ قِرِنيِيٍ بَرَ دِ بَرِ عَ بّ، عَ مُ لَنمَ عَ شَ بَاتّ فِنّ شَ دِ رَقِسَ عَ بٌورٍ شَ دِ بّ،

¹⁶عَ قَ قٌرِحَ تِدٍ قِ بَاتّ فِنّ شَ دِ مَ، عَ قَ عَ لِ نَ فِنّ بٌورٍ نَن سِنفٍ دِ بَرِشِ عَ بّ.

¹⁷عَ لَنمَ عَ شَ عَ كٌلٌن فِنّ نَشَن نَحَاشُشِ عَ مَ نَ كِ، نَ نَن مَ دِ قِندِشِ دِ سِنفٍ رَ. عَ هَرِفٍ دْشْ قِرِن نَن سٌمَ دِ قٌرِ يِ رَ، بَرِ مَ نَ نَن قِندِشِ عَ شَ قٌنِكٍ دِ رَ. عَ تَن نَن لَنمَ عَ شَ دِ قٌرِحَ تِدٍ سْتْ.