Aba Fatubu 2:7-22

⁷Habahim afusa ya abi tanohi yai na taumoho ya falasa. Ya yahafuwa lau hisuna yai be taumohona ya adidili yo ya mwahiu.

⁸Maihala ena aba kepama yai gabu ya ginauli Iden yai. Habahim taumoho ya falasa, amainiya ya tole.

⁹Oyagi nene hudoꞌi - hudoꞌi ya ginaulidi be sa in. Itaꞌitadi sa loholoho na anꞌandi olidi. Mwahuli oyagina mate gabu atiꞌatipuna yai yo oyagi hesa hesana loholoho yo heyaya aba ita lobahidi hinaga amainiya.

¹⁰Yomayoman ya didi lidi Iden, be gabuna ya fahoꞌowa. Hoꞌowa gwaluna yai ya saꞌa, be saꞌana oulina fati.

¹¹Saꞌa bwaꞌibwaꞌina mate hesana Pison mate Hawila nuꞌuna ya didi fataꞌiꞌili, na gole amainiya.

¹²(Gole wananaha, maꞌi panepanena fisafisadi yo umeꞌehu namanamalidi amainiya sa lobahidi).

¹³Saꞌa fafaluwagana mate hesana Gihon ya didi lau Kusi Nuꞌuna yai.

¹⁴Saꞌa fafaihonana hesana Tigilesi mate Asiliya tefa saisaina yai ya didi lau. Na fafatina mate hesana Ifeleti.

¹⁵Habahim taumohona ya lawen Iden. Gabuna yai ya tole be ya ita watan yo ya paisowai.

¹⁶Na ya falaugagayo, iyen, Oyagi mahudoꞌidi gabu yai te, uludi gonowana wa andi.

¹⁷Loholoho yo heyaya aba ita lobahidi oyagina uluna, tabu u an, Ibe uluna wa an, haba wa peꞌi.

¹⁸Guyau hinaga iyen, Taumoho iyabona hige i loholoho. Haba ana sagu yo tau saguhina dudulaina E ginauli.

¹⁹Be ataiꞌa, yosiyosi yo suisui yekoyekodi tanohi yai ya falasadi. Habahim ya lawedi Adam lisina, na hesa somo ya tole, mate, logena. In moho hige laꞌi, gonowana i saguhi.

²¹Yo fede, taumoho ni ya lau faꞌeno. Habahim, oitalina esega ya abifahi, na omatana ya fasusu buluhi.

²²Oitalina yai waihin ya ginauli, be ya lawen Adam lisina.