11Kin fati mate Sodom yo Gomola yai ginauli yo kalahe sa gelaedi na sa lau.
12Abelam madiyana Lota mate, Sodom yai ya miyamiya, yo fede sa aulen yo ena ginauli mahudoꞌidi sa abidi.
13In moho, doga hesa ya gela be ya lau sulu Hebelu dogana, Abelam ena ya liba. In mate Mamale ena oyagi laꞌilaꞌidi sadaidi yai ya miyamiya. Mamale ena sulu Amoli. Haihaidana mate Esikoli yo Ane. Iti mahudoꞌidi mate maꞌedi Abelam adi sana.
14Abelam wasa ya atahiyen mate madiyana Lota sa tohai, yo fede, ena tau hiyala dodogadi ena tau paisowa nanatudi 318 ya yoga gogonidima, be baꞌibaꞌisa fati sa weꞌa dudu lidi ee–, Dan duhu laꞌina yai.
15Amainiya ena tau hiyala ya pei daili, na iꞌipana adi waiyunu sa laufidi be sa an fadabalalaidi na sa weꞌaidi ee–, Hoba, Damaseko tefa lidilidina yai.
16Ginauli somo adi waiyunu sa abidi mate sa fafuyodi. Madiyana Lota yo ena ginauli mahudoꞌidi, wawahin yo dodoga haisa hiyala yai sa gelaedi mate sa fafuyodi hinaga.
17Abelam maꞌena Kedolama yo babaꞌisa haisa ma afa haidana sa hiyala be ya lei hafihafitidi habahim Sodom edi baꞌisa ya lau be ya failobahi Sawe gonna yai (hesana hesa, “Baꞌisa ena Gon.”)
18Habahim, Salem edi baꞌisa, Melekisideki, fwalawa yo wain ya abidi, be ya lawedi Abelam lisina. In mate Yaubada Hewa Wananaha ena tau antalasam.
19Melekisideki ena faloholoho Abelam ya felen, na iyen, Yaubada Hewa Wananaha, Galewa yo Tanoꞌubu Tau Ginaulina haba ena loholoho ya fatalu ai lisim.
20Hewa Wananaha Yaubadana te fadebasae paꞌana am waiyunu ya lei hafihafitidi. Ginauli somo - somo Abelam ya abidi, ya daili be pei safuhudohudoꞌi, na habahim pei esega ya abi be Melekisideki ya felen.
21Sodom edi baꞌisa ya libalau Abelam lisina, iyen, Ginauli mahudoꞌidi u abidi na egu dodoga moho, u fele fafuyogu.
22In moho Abelam ya libalau Sodom edi kin lisina, iyen, Yaubada ya Hasai Wananaha Guyauna, Galewa yo Tanoꞌubu Tau Ginaulidi, hesana yai E angwala mate,
23ibege somo hesa kiukiu doha kaleko bodibodi mahinadi e sendolo auꞌaudi lisim yai ya abi. Doꞌata uwen, “Abelam E fagogo be aho te, in doga.”
24Somo egu dodoga haꞌa sa an, mate logena. In moho, tau saguhigu faihona: Ane, Esiko yo Mamale mate edi u soi.
