Text copied!
CopyCompare
Buka Tabuna Tefadi - Aba Fatubu

Aba Fatubu 12

Help us?
Click on verse(s) to share them!
1Guyau ya libalau Abelam lisina, iyen, Em nuꞌu, em dodoga yo tamam ena luma dodogadi u lau afuledi na u lau tanohi haba E faꞌitam ainiya.
2Egu gigibwali yai haba laulauwewem nuꞌu lalaꞌi sa fatubudi, yo egu faloholoho haba ai lisim, na hesam haba E falaꞌi, na um haba wa famala dodoga edi loholoho.
3Yena sai ya kawa loholohoꞌem, mate Yau hinaga haba E kawa loholohoꞌen, na sai ya kaumananaem haba E kaumananaen. Debam yai egu loholoho haba ya talu dodoga mahudoꞌidi tanoꞌubu yai ai lisidi.
4Yo fede, Guyau alinana Abelam ya lau watan be maꞌena Lota sa lau. Fuyana Halan sa lau afulen mate Abelam ena bolima 75.
5Abelam lahuna yo madiyana Lota ya foyahidi. Ena ginauli, yosiyosi, yo ena dodoga Halan nuꞌuna yai ya lawe gogonidi. Na sa lau Kanana tanohina, be sa mahano amainiya.
6Abelam tanohina ya tafo dadai, ya lau ee–, oyagi laꞌilaꞌi hesa Sekem nuꞌuna yai hesana Mole, amainiya ana sigasiga. Fuyana yai Kanana dodogadi amainiya sa miyamiya.
7Guyau ya taumahata Abelam lisina yai, na iyen, Tanohi te haba laulauwewem E feledi.